Qoǵam • 08 Qazan, 2021

Qazaqstanda onlaın sot praktıkasy pandemııadan keıin de jalǵasýy múmkin

311 ret kórsetildi

QR Joǵarǵy soty Ákimshilik ister jónindegi sot alqasynyń sýdıasy Aslan Týkıev, pandemııadan keıin de onlaın sot praktıkasyn damytýdy usyndy, dep habarlaıdy Egemen.kz.

 

«Onlaın sot prosesteriniń basqa qandaı múmkindikterin kórdik degenge kelsek, isterdi avtomatty túrde bólý júıesi búkil respýblıka boıynsha júıeli jumysqa jol ashyp otyr. Sondyqtan biryńǵaı praktıka bolý úshin jáne eldegi sýdıalardy jumysqa teńdeı júkteý úshin azamattyq isterdi naqty bir sotqa baǵynyshty etpeı bólý tetigin usynyp otyrmyz. Árıne muny tek taraptardyń báriniń kelisimi boıynsha ǵana jasaý kerek. Iаǵnı, taraptarǵa «eks-aýmaqtyq» sotttylyq prınsıpin usynamyz. Onlaın sot prosesin basqa aımaqtaǵy sýdıa da qaraı alady degen sóz», dedi ol «COVID-19 pandemııasy kezinde sot tóreligine qol jetkizý» taqyrybyndaǵy onlaın kezdesýde.

Onyń sózinshe, atalmysh tásildiń birneshe artyqshylyǵy bar. «Bul ne beredi? Birinshiden, báriniń ýaqyty men shyǵynyn únemdeıdi. Qazir isterdiń kóbi onlaın ótip jatqanyn eskersek, mundaı múmkindik bar. Bizdiń IT-júıemiz oǵan daıyn. Biz is júzinde pandemııadan keıin de jazbasha ári onlaın prosesterge kóshý týraly aıtyp otyrmyz. Árıne, taraptar kelisse ǵana osylaı bolady.

Ekinshiden, bul sybaılas jemqorlyq táýekelderin azaıtady. Jergilikti sottyń ádildigine kúmán bolsa, bul júıede isti kez kelgen óńirdiń soty qaraýy múmkin. Ásirese jergilikti ákimdiktermen daý týyndaǵanda osyndaı kúmánder kóbeıedi. «Eks-aýmaqtyq» sottylyq osy táýekelderdiń bárin azaıtady», dedi Joǵary sot sýdıasy.

Sondaı-aq, ol «bir tıpti» ister boıynsha úgilik sheshimder» tásilin engizýdi usyndy. «Bir tıpti» isterdi qaraý boıynsha reformanyń taǵy bir tetigin iske asyrýǵa bolady. Mysaly lombardtarmen, baılanys operatorlarymen sottasýshylar kóp. Mundaı «bir tıpti» isterdiń sheshimi de, óndirý sharttary da bir-birinen aınymaıdy. Osyndaı ister boıynsha ártúrli sheshimder shyǵarylǵan kezde ádil syndar aıtylady. Sonyń saldarynan sot praktıkasynyń qubylmalylyǵy týraly pikirtalas kúsheıedi. Osyndaı ister boıynsha birizdi praktıka qalyptastyrý úshin «úlgilik sheshim» engizýdi usyndyq.

Bul qalaı jumys isteýi múmkin? Uqsas talaptar boıynsha daýlar kóbeıgen kezde joǵary turǵan sot taraptardyń kelisimin ala otyryp, bir isti qarap, sol boıynsha «úlgilik sheshim» shyǵarady. Joǵary turǵan sottyń aktisi barlyq maǵynada úlgilik qujat bolýy kerek. Eger jaǵdaı bir oblystyń ishinde qaıtalansa, ondaı sheshimdi oblystyq sot shyǵarady. Al respýblıka kóleminde kóbeıse, Joǵarǵy sot shyǵarady», dedi Aslan Týkıev.

 

 

Sońǵy jańalyqtar

Qyrǵyzdyń óńindeı...

О́ner • Búgin, 08:35

Áleýmettik jobalardyń áleýeti

Úkimet • Búgin, 00:01

Abyroıly Aǵzam aqsaqal

Aýyl • Keshe

Taǵy da tarıf týraly

Aımaqtar • Keshe

Qoldan shapqan qobyz

Rýhanııat • Keshe

Kúlánda apa

Eń qysqa áńgime • Keshe

Alash at tarıhy

Qoǵam • Keshe

Bir óleńniń tarıhy

Ádebıet • Keshe

Sultanmahmut jeńisi

Ádebıet • Keshe

Dala men daryn

Tarıh • Keshe

Uqsas jańalyqtar