QR Qorǵanys mınıstrligi baspasóz qyzmetiniń habarlaýynsha, qoldanystaǵy bul úlgi olarǵa aǵymdaǵy turǵyn úı tólemderin jınaqtaýǵa, ıpotekalyq nesıege turǵyn úı satyp alýǵa, jalǵa alǵan turǵyn úıdi tóleýge, turǵyn úı qurylysyna úlestik qatysý kezinde jarnalar engizýge, óz úıin salýǵa múmkindik beredi.
Zań júzinde kúntizbelik eseppen 20 jáne odan da kóp jyl qyzmet etken áskerı qyzmetshiler turǵyn úıdi aqysyz jekeshelendire alady nemese aqshalaı ótemaqy ala alady.
Bul túzetýler qabyldanǵanǵa deıin turǵyn úı máselesin sheshý 10 jyldan astam, biraq 20 jylǵa deıin eńbek sińirgen áskerı qyzmetshiler sanaty úshin problemaly bolǵan edi. Sol sebepti áskerı qyzmetten bosatylǵannan keıin olar uzaq ýaqyt boıy jabyq áskerı qalashyqtarda turǵyn úıdi jekeshelendirý quqyǵynsyz ómir súrdi. Zańnamadaǵy ózgerister áskerı zeınetkerlerge aıyrbastaý quqyǵyn paıdalaný arqyly turǵyn úıdi jekeshelendirýge múmkindik berdi.
Qorǵanys mınıstriniń orynbasary general-maıor Muhamedjan Talasovtyń aıtýynsha, qyzmettik turǵyn úıdi memlekettik turǵyn úı qorynan bólingen páterge aýystyrǵannan keıin áskerı zeınetkerler ony qaldyq quny boıynsha jekeshelendire alady.
"Semeı polıgonyndaǵy ıadrolyq synaqtardan jáne Aral óńirindegi ekologııalyq apat saldarynan zardap shekken adam mártebesi berilgender tegin jekeshelendirý quqyǵyna ıe. 30% bastapqy jarna tólegen jaǵdaıda qalǵan somany 10 jylǵa paıyzsyz tóleý de qarastyrylǵan", dedi M. Talasov.
Esterińizge sala ketsek, 2018 jyly áskerı qyzmetten zapasqa shyǵarylǵan 742 tulǵa jabyq áskerı qalashyqtarda turǵan. Osy ýaqyt aralyǵynda olardyń jartysy (371) qyzmettik úı-jaıdy elimizdiń kez kelgen qalasyndaǵy turǵyn úıge aýystyrdy.
Aıta ketsek, eń kóp suranysqa ıe páterler Nur-Sultan, Almaty, Semeı Taldyqorǵan jáne Taraz qalalarynda ornalasqan.
Bos turǵyn úı qory týraly barlyq aqparat Qorǵanys mınıstrliginiń resmı saıtynda ornalastyrylǵan. «Turǵyn úımen qamtamasyz etý» bóliminde qalalar boıynsha bólmeler sany, aýdany jáne turǵyn úı quny kórsetilgen. Búgingi tańda almastyrý úshin usynylǵan 134 qyzmettik páter bar.
Áskerı qyzmetten zapasqa shyǵarylǵan adamdardy turǵyn úımen qamtamasyz etý jumystary jalǵasýda.
