Kúni keshe ǵana aýrýhanalardyń bosaǵasynan attaı almaı turǵan naýqastardyń beınejazbasy tarady. Bos daýryǵý shyǵar desek, beınejazbada bir emes, birneshe dáriger orynnyń joqtyǵyn ashyq aıtqan. Sonymen qatar oblysta jedel járdemniń «tasbaqa júrisi» de jıi kóteriletin problema.
– Qazannyń 5-si kúni anam aýyryp, jedel járdem shaqyrttyq. Temperatýrasy 38 gradýsqa kóterildi. Shaqyrǵan járdemimiz eki saǵattan soń ázer keldi. Biraq aýrýhanaǵa almaı ketti. Ertesi súıretilip, emhanaǵa ózimiz baryp, rentgenge túsirdik. Sonyń nátıjesimen aýrýhanaǵa baryp edik, ókpeniń 25 paıyzy ǵana zaqymdanǵandyqtan jatqyzbaıtyndaryn jetkizdi. Naýqastyń jaǵdaıyna emes, paıyzǵa qaraıtyny túsiniksiz. Qysqasy, salǵyrttyq kóp, – deıdi О́skemen qalasynyń turǵyny Nazerke Sálimbekqyzy.
Osy tektes narazylyqtarǵa baılanysty oblystyq densaýlyq saqtaý basqarmasynyń basshysy Ermek Omarbekov arnaıy baspasóz konferensııasyn ótkizip, mán-jaıdy túsindirdi. Aıtýynsha, búgingi tańda Shyǵys Qazaqstanda 3 709 ınfeksııalyq tósektik oryn bolsa, aýrýhanalarda uzyn sany 720 adam emdelip jatyr eken. Paıyzǵa shaqsaq, tósek qorynyń 19 paıyzynda ǵana naýqastar jatyr. О́skemende stasıonarlarǵa 1 240 adamdy ornalastyrý múmkindigi bar. Al qazirgi ýaqytta 464 naýqas qana aýrýhanaǵa jatqyzyldy. Oblys ortalyǵynyń tósek qorynyń júktemesi 37,4 paıyzdy quraıdy.
– Áleýmettik jelilerde taraǵan beıne rolıktiń birinde О́skemen qalasynyń aýrýhanasyna Zaısannan kelgen naýqas týraly aıtylǵan. Beınematerıalda dárigerlerdiń ony aýrýhanaǵa jatqyzýdan bas tartqany kórsetilgen. Sebebi klınıkalyq hattamalarǵa sáıkes naýqasty aýrýhanaǵa jatqyzý kórsetkishteri bolmaǵan. Áleýmettik jelide taraǵan beınematerıalda másele tolyq kórsetilmegen. Stasıonarlarymyzda koronavırýsty emdeýge arnalǵan dári-dármekterdiń eki aılyq qory bar, – deıdi oblystyń bas dárigeri Ermek Omarbekov.
Sonymen qatar dıagnostıka jasaý jáne emdeý hattamasynda belgili bir erekshelikter bar. Soǵan sáıkes, keıbir pasıentterdi úı jaǵdaıynda, endi birin naýqastardy stasıonar jaǵdaıynda emdeý qajet eken. Dárigerlerdiń aıtýynsha, dene qyzýy nemese basqa da belgiler paıda bolsa, birden aýrýhanaǵa barýdyń qajeti joq. Turǵylyqty jeri boıynsha emhanaǵa qońyraý shalyp, ýchaskelik dárigerdi shaqyrǵan jón. Jaǵdaıy nasharlaǵan jaǵdaıda, aýrýhanaǵa jatqyzylady. Al dárigerler tarapynan qandaı da quqyq buzýshylyq oryn alsa, máseleni zańdy jolmen sheshýge bolady.
–Eger pasıentte medısınalyq mekemege qandaı da bir shaǵym bolsa, onyń quqyqtary buzylǵanyn, aýrýhanalarda kórsetilgen senim telefondary boıynsha, habarlap aıtýǵa bolady. Budan basqa, oblystyq densaýlyq saqtaý basqarmasynyń 8(7232) 701-131 biryńǵaı anyqtama telefony jumys isteıdi. Sondaı-aq shaǵymdarmen áleýmettik medısınalyq saqtandyrý qoryna júginýge bolady, – dedi О́skemen qalasynyń №4 qalalyq aýrýhanasynyń bas dárigeri Sergeı Popov.
Aıtqandaı, senim telefonyn biz paıdalanamyz ba? Qandaı da máseleni áleýmettik jelige júktegennen góri zańdy jolmen sheship kórdik pe? Aldaǵy ýaqyttarda osyǵan uqsas daý týyp jatsa, senim telefonynyń pármenin bir tekserip kórýge bolatyn sekildi.
