“DARIǴA-JÚREK” ÁN BAIQAÝY О́TTI

Taldyqorǵanda aqıyq aqyn Mu­qa­­ǵalı Maqataevtyń óleńine jazyl­ǵan ánderdi oryndaýshy­lardyń “Da­rı­ǵa júrek” atty baı­qaýy ótti. Oblys basshysynyń bastamasymen ótken bul baıqaýǵa Almaty men Semeı qala­larynan jáne Jambyl, Qaraǵan­dy, Almaty oblystarynan kelgen jıyrmadan astam úmitker qatysty. “Darıǵa júrek” án baıqaýynda oblys basshysy Serik Úmbetov sóz sóıledi. “Aqynyn ardaqtaǵan el az­baı­dy” dep bastaǵan Serik Ábiken­uly Muqaǵalıdyń óleńdegi bıik óresi jaıly oramdy oıyn ortaǵa saldy. Muqaǵalıdyń taý qoınaýyn­da jatqan shaǵyn Qarasaz aýyly­nyń ǵana emes, ıisi qazaq balasy­nyń maqtanyshyna aınalǵan alyp tulǵa ekenin atap ótti. Taldyqor­ǵan­nyń tórinde bastalǵan án men jyr keshiniń aqynnyń 80 jyldyq me­reı­toıynda Qarasaz aýylynda res­pýb­lıkalyq deńgeıde qorytyn­dyla­natynyn jetkizip, baıqaýǵa qatysý­shy úmitkerlerge sáttilik tiledi. Baıqaý shymyldyǵyn eń aldy­men osy sharaǵa arnaıy kelgen qo­naq­tar bastady. Sahna tórinen estra­­da ánshisi Merýert Túsipbaeva óner kórsetse, kelesi kezekte Qazaq­stan­­nyń halyq ártisi Nurǵalı Núsip­­janov ánnen shashý shashty. Budan keıin el aldyna shyqqan “Muqa­ǵalı” jýrnalynyń bas redak­tory, aqyn Batyq Májıtuly Muqaǵalı­dyń 80 jyldyq mereı­toıyn bir jyl buryn oblys ortalyǵynan osyndaı joǵary deńgeıde bastaǵan oblys ákimine alǵysyn bildirdi. Sonymen bir kún boıy saz sı­qy­­­ryna bólegen “Darıǵa júrek” án baı­qaýy da óz máresine jetti. Bir aıta ketetin jáıt, ekinshi aına­lymǵa ótpegen ánshiler de Alǵys hat pen 30 myń teńgeden syıaqy alyp qaıt­ty. Júlde qory 50 myń teńgeni quraǵan yntalan­dyrý syılyǵy jeti ánshige tabys etildi. Al 75 myń teńgeden úsh úshinshi oryndy Qanat, Aıtkúl Qudaı­ber­genovter, Sandýǵash Stam­ǵa­zıeva jáne Almatydan kel­gen baıqaýdyń eń jas úmitkeri, on úsh jasar Karına Alqojaevalar ıelendi. Júldeli ekinshi oryndy Jambyl obly­synan kelgen Farıza Dosbolova men almatylyq Gúlden Jumabaı qanjyǵalaryna baılady. Birinshi oryndy ıelengen Alma­ty oblystyq Súıinbaı atyndaǵy fılarmonııanyń ánshisi Esengeldi Rzaǵa qomaqty aqshalaı syılyq be­ril­se, “Darıǵa júrek” án baı­qaýy­nyń bas júldesin tek qana qyz­dar­dan qurylǵan Jetisý mem­lekettik ýnı­ver­sıtetiniń “Móldir” ansambli ıelenip, ónerpaz ujym 300 myń teńge aqshalaı syılyqpen marapat­taldy. Kúmisjan BAIJAN. Almaty oblysy.