Bul týraly Eńbek mınıstrligi málim etti.
Osy jyldyń basynan qandastardyń jartysynan kóbi (76,3%) Qazaqstanǵa О́zbekstannan kelgen, 9,4%-y – Qytaıdan, 6,4%-y – Túrikmenstannan, 2,5%-y – Mońǵolııadan jáne 5,4%-y basqa elderden kelgen. Kelgen etnıkalyq qazaqtar negizinen Almaty (28%), Mańǵystaý (19,3%), Túrkistan (13,5%) jáne Jambyl (8,1%) oblystaryna, sondaı-aq Shymkent (10,7%) qalasyna qonystandy.
Bıylǵy 1 qazandaǵy jaǵdaı boıynsha eńbekke qabiletti jastaǵy etnıkalyq qonys aýdarýshylar sany 55%-dy, eńbekke qabiletti jastan kishileri 27,9%-dy jáne zeınetkerler 17,1%-dy quraıdy. Eńbekke qabiletti jastaǵy qandastardyń ishinen bilim deńgeıi boıynsha 11,1%-nyń joǵary bilimi, 39,8%-nyń orta kásibı bilimi, 45,5%-nyń jalpy orta bilimi bar jáne 3,6%-nyń bilimi joq.
Etnıkalyq qazaqtardy memlekettik qoldaý sharalarymen qamtamasyz etý sheńberinde jyl saıyn qandastardy qabyldaýdyń óńirlik kvotasy belgilenedi.
О́ńirlik kvota sheńberinde 720 etnıkalyq qazaq (Aqmola oblysy – 92 adam, ShQO – 121 adam, Qostanaı oblysy – 117 adam, Pavlodar oblysy – 328 adam jáne SQO – 62 adam) kóshýge sýbsıdııa: otbasynyń árbir múshesine 70 AEK-ten (204,1 myń teńge) keletin birjolǵy tólem aldy, sondaı-aq 12 aı boıy otbasyna 15-ten 30 AEK-ke deıingi (43,7-den 87,5 myń teńgege deıingi) mólsherde aı saıynǵy tólem aldy. Sonymen qatar, qandastarǵa jergilikti atqarýshy organdar turǵyn úı berý jáne jumysqa ornalastyrý boıynsha qoldaý kórsetedi.
