«Turǵyn úıdi paıdalanýǵa berý boıynsha jalpy alǵanda oń dınamıka saqtalýda. Esepti kezeńde 10,4 mln sharshy metr turǵyn úı paıdalanýǵa berildi. Kórsetkishtiń ósýi 8%-dy qurady. Oń dınamıka 14 óńir boıynsha tirkeldi, olardyń arasynda eń joǵarǵy kórsetkish Atyraý jáne Shyǵys Qazaqstan oblystarynda baıqalýda», degen Áset Erǵalıev aýyl sharýashylyǵynda jaqsy nátıje kórsetken óńirlerge toqtaldy.
«Aýyl sharýashylyǵynda ósim 1,4%-dy qurady. Saladaǵy óndiristiń oń ósýi 14 óńirde tirkeldi. Eń joǵarǵy ósýdi Pavlodar, Shyǵys Qazaqstan jáne Qaraǵandy oblystary kórsetti», dedi mınıstr.
