Bilim • 12 Qazan, 2021

2025 jylǵa qaraı 5 myń mektep jańǵyrtylady

199 ret kórsetildi

2025 jylǵa qaraı shaǵyn qalalarda, aýdan ortalyqtarynda jáne aýyldarda 5000 mektep jańǵyrtylady. Bul týraly Úkimet otyrysynda «BILIMDI ŪLT» barshaǵa arnalǵan sapaly bilim» ulttyq jobasyn tanystyrý kezinde Bilim jáne ǵylym mınıstri Ashat Aımaǵambetov málim etti, dep habarlaıdy Egemen.kz.

«Mektepterdi jaıly, qaýipsiz jáne zamanaýı bilim berý ortasymen qamtamasyz etýge toqtalsaq, oqýshy oryndarynyń tapshylyǵyn joıý úshin 2025 jylǵa qaraı 1000 mekteptiń qurylysy josparlanýda.

Nátıjesinde, úsh aýysymdy mektepterdi tolyǵymen joıý kútilýde. 2025 jylǵa qaraı shaǵyn qalalarda, aýdan ortalyqtarynda jáne aýyldarda 5000 mektep jańǵyrtylady. Onyń aıasynda balalarǵa qaýipsiz jáne qolaıly jaǵdaı jasaý, joǵary jyldamdyqty ınternetpen qamtamasyz etý, mektep jıhazyn jańartý, mektep kitaphanalaryn jáne ashanalardy jańǵyrtý, kúrdeli jáne aǵymdaǵy jóndeý jumystary júrgiziledi», dedi A.Aımaǵambetov.

Onyń aıtýynsha, mektepterdiń 90%-y pándik kabınettermen jáne 100%-y qaýipsiz kirý, kúzet jáne baqylaý júıesimen qamtamasyz etiledi.

«Inklıýzıvti ortada balalardy psıhologııalyq-pedagogıkalyq qoldaýmen qamtamasyz etý úshin erekshe qajettilikteri bar balalarǵa arnalǵan uıymdardyń jumys isteý normatıvin 50 myń balaǵa bir osyndaı ortalyq esebinen jańartý boıynsha jumys júrgiziletin bolady. Onyń nátıjesinde mundaı 43 ortalyq ashylady. Budan basqa, erekshe balalardy arnaıy psıhologııalyq-pedagogıkalyq qoldaýǵa memlekettik bilim berý tapsyrysy ornalastyrylatyn bolady», dedi mınıstr.

 

 

Sońǵy jańalyqtar

Erlan Qııasov jańa qyzmetke taǵaıyndaldy

Taǵaıyndaý • Búgin, 20:10

Tamyz aıyndaǵy UBT aıaqtaldy

Bilim • Búgin, 19:53

Baqyt Sultanov qyzmetinen bosatyldy

Qazaqstan • Búgin, 18:00

Dollar arzandady

Ekonomıka • Búgin, 16:42

Soltústik óńirlerde qant qymbattady

Aımaqtar • Búgin, 14:01

Uqsas jańalyqtar