Aımaqtar • 12 Qazan, 2021

Murat Áıtenov magıstraldy sý qubyrynyń qurylysyn aralady

237 ret

kórsetildi

1 mın

oqý úshin

Búgin Shymkent qalasynyń ákimi M.Áıtenov «Kómeshbulaq» sý jınaqtaýshysynan «Turan» shaǵynaýdany aınalma jolyna deıingi úsh magıstraldy sý qubyrynyń qurylys alańyna bardy, dep habarlaıdy Egemen.kz Shymkent qalasy ákimdiginiń baspasóz qyzmetine silteme jasap.

Janbolat Kenjeǵul

Murat Áıtenov magıstraldy sý qubyrynyń qurylysyn aralady

Sý jınaqtaýshysynan bastap aınalma jolǵa deıin uzyndyǵy 4,48 shaqyrym bolatyn sý tartqyshynyń eki jelisin salý jumystary júrgizilýde. Bas merdiger – «Saryaǵash-Aman» JShS. Qurylys jumystary 2020 jyldyń mamyr aıynda bastalǵan. Merdiger mekeme qurylysty bıyl qarasha aıynda aıaqtaýdy josparlap otyr.

Sý qubyrlarynyń uzyndyǵy – 11,3 shaqyrym. Búginge deıin 10,1 shaqyrym qubyr jumystary aıaqtaldy.

Qala ákimi jaýapty merdigerlerge jumysty sapaly ári tıisti merzimde aıaqtaýdy tapsyrdy.

shd

Jalpy qalada 3 magıstraldy sý qubyrynyń qurylysy júrgizilip otyr. Bul nysandar paıdalanýǵa berilgende Asar-2, Shymsıtı, Turan, Dostyq, Soltústik saıajaı, Yntymaq, Yntymaq-2, Batys, Qyzyljar, Igilik, Jańatalap, Jańa Turlan, Táýelsizdikke 20 jyl, Kókbulaq turǵyn alaptaryndaǵy 250 myńǵa jýyq halyq úzdiksiz sapaly aýyz sýmen qamtylady.