Bul týraly atalǵan keńes Syrtqy ister mınıstrleriniń 6-kezdesýinen keıin AО́ISShK hatshylyǵynyń atqarýshy dırektory Qaırat Sarybaı aıtty.
«Syrtqy ister mınıstrleri Aýǵanstanǵa qatysty aýqymdy málimdeme qabyldady. Ol birneshe aspektini qamtıdy. Birinshi kezekte múshe memleketter Aýǵanstandaǵy beıbitshilik pen damýdy qalpyna keltirý AО́ISSh-niń barlyq óńiriniń qaýipsizdigi men turaqtylyǵy úshin basty jaǵdaı ekendigin bildirdi», dedi ol BAQ ókilderine.
Jalpy, AО́ISShK hatshylyǵynyń atqarýshy dırektorynyń atap ótýinshe, kezdesýge kelgen delegasııa basshylary Aýǵanstandaǵy ahýal ózderin qatty alańdatatyndyǵyn aıtqan.
«Kóshpeli kezeń qalaı tezirek aıaqtalsa, Aýǵanstan soǵurlym jyldam óńiraralyq prosesterge, ózara baılanys prosesterine qosylady. Sol arqyly eldiń órkendeý jolyna túskendigin erterek atap ótýge múmkindik týady», dedi Qaırat Sarybaı.
