Rýhanııat • 13 Qazan, 2021

Tarıhı eskertkishterge qamqorlyq qajet

32 ret kórsetildi

Túrkistan oblysyndaǵy Shámmat ıshan meshit-medresesi, Uzyn ata, Ysqaq ata, Man­sur ata keseneleri sekildi sáýlet eskert­kishteri restavrasııalyq jumys­tar­dy qajet etedi. Eger qoldaý kórsetil­mese, qundy muralardan kóz jazyp qalýy­myz múmkin. Jalpy óńirdegi tarıhı eskert­kishterge qamqorlyq kerek.

Nur Otan partııasy oblystyq fılıaly ja­nyn­daǵy Miras qoǵamdyq keńesi otyrysynda mamandar osy­laı dep dabyl qaqty. «Túrkistan ǵajaıyptary» eks­pedısııasy aı boıy «Ulttyq mura» partııalyq jobasy aıasynda oblystyń kıeli, qasıetti oryndaryna saparǵa shyǵyp, 85 nysannyń jaı-kúıin zerdelegen. Qoǵamdyq keńeste esep bergen oblystyq mádenıet basqar­masynyń tarıhı-mádenı murany qorǵaý, qalpyna keltirý jáne paıdalaný jónindegi ortalyqtyń dırektory Jandos Qurban aýdan, qala­larda tarıhı eskertkishter men oryndardy qorǵaý baǵytyndaǵy jumystardy kúsheıtý kerektigin aıtty. «Keles aýdanyndaǵy Alqakól kóline baratyn 10 shaqyrym jolǵa asfalt tóseý jáne «Alqakól sulama» qyrǵynynyń 300 jyldy­ǵyna arnap memorıal­dy keshen ornatyp, nası­hattaǵan jón. Sozaq aýdanyndaǵy Qoshqar ata, Muhammed Hanafııa, Balyqshy ata, Haqnazar han kesenelerine, Qazyǵurt aýdanyndaǵy Ysqaq ata, Shilten ata kesenelerine, Tólebı aýda­nyn­daǵy Mansur ata kesenesine, Jylaq ata bula­ǵyna, Saıram aýdanyndaǵy Er Bekish ata kesenesine, Túlkibas aýdanyndaǵy Qaraúńgir turaǵy, Dáý baba kesenesine baratyn joldardy rettep, múmkindigi bolsa asfalt jabyn tóseý kerek», dedi Jandos Qurban. Sondaı-aq oblys aýma­ǵyndaǵy barlyq tarıhı-mádenı, kıeli jáne qasıetti jerlerge baratyn jol boılaryn­daǵy silteýish belgilerdi jańartý, joq bolsa qoıý, barlyq tarıhı oryndardyń memleket qorǵaýynda ekenin kórsetetin taqtaıshalardy jańartýǵa oblystyq bıýdjetten qarjy qaraý qajet. Shyraqshylardyń, aýyl ákimderiniń tarıhı-mádenı eskertkishterdi qorǵaý boıynsha biliktiligin arttyrý úshin turaqty túrde semınarlar ótkizý de kún tártibindegi másele.

Miras qoǵamdyq keńesiniń tóraǵasy, jazýshy Marhabat Baıǵut tóraǵalyq jasaǵan jıynda óńirde ult­tyq sport túrlerin damytý baǵy­tyndaǵy jumystar da saralandy. «Tarıhyn taný – taǵylymdy is» taqyrybynda baıandama jasaǵan oblystyq deneshynyqtyrý jáne sport basqarmasy basshysynyń orynbasary Aıtmahametáli Berdashev oblysta asyq atý, qazaq kúresi, kókpar, teńge ilý, toǵyzqumalaq, aýda­ryspaq, báıge, jamby atý, saıat, jekpe-jek syndy ulttyq sport túrleri damyp kele jat­qanyn aıtyp ótti. Ulttyq sport túrimen jalpy shu­ǵyldanýshylar sany 84 myńnan asady. Olar oblystaǵy 1 826 úıirmege qatysady. Oblys sport­shylary bıyldyń 9 aıynda ulttyq sport túrlerinen halyqaralyq, respýblıkalyq jáne oblystyq jarystarǵa qatysyp, 76 altyn, 65 kúmis, 25 qola medaldi jeńip alǵan. Qoǵam­dyq keńes otyrysynda óńirdiń týrıstik áleýe­tin kóterý, tarıhı eskertkishterdi qorǵaý, rýha­nııatqa, sportqa qoldaý kórsetý jáne nasıhattaý partııanyń jol kartasynyń basym baǵyttaryna engizilgeni aıtyldy. Bul oraıda árbir basqarma nemese ortalyq óz salalaryndaǵy máselelerdi jasyrmaı aıtyp, jergilikti ákimdikterge usy­nystar berip, belsendi jumys júrgizýi tıis.

Jıyn sońynda Nur Otan partııasy oblystyq fılıaly tóraǵasynyń birinshi orynbasary, fraksııa jetekshisi Beısenbaı Tájibaev óńir tarıhyn, ólke­tanýdy zerdeleýde tabysty eńbek etken «Túrkistan ǵajaıyptary» ólketaný ekspedısııasy múshelerin Alǵys hatpen marapattady.

Sońǵy jańalyqtar

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Portrettegi parasat

Elbasy • Keshe

Almatyda 5G jelisi iske qosyldy

Tehnologııa • Keshe

Uqsas jańalyqtar