Bul týraly Pavlodarnews.kz málimdedi.
QR UEM Tabıǵı monopolııalardy retteý komıtetiniń Pavlodar oblysy boıynsha departamenti «Bogatyr Kómir» JShS-nyń tarıftik smetany oryndaýy týraly esebin qaraǵan. Nátıjesinde tarıftik smetada kózdelgen 669,2 myń teńge mólsherinde, bes paıyzdan astam oryndamaýyna jol bergeni anyqtalǵan.
Departament 2021 jylǵy 1 qazanda «Bogatyr Kómir» JShS-ge qatysty tıisti buıryq shyǵarǵan, oǵan sáıkes tarıfter:
- 2021 jylǵy 1 qarasha – 2022 jylǵy 31 qańtar aralyǵynda tarıf 10,62 teńge/vagon-km-den 10,55 teńge/vagon-km-ge deıin nemese (0,7%);
- 2022 jylǵy 1 aqpan – 2022 jylǵy 31 qazan aralyǵynda tarıf 11,12 teńge/vagon-km-den 10,92 teńge/vagono-km-ge deıin nemese (1,8%) mólsherinde tómendedi.
Jol berilgen buzýshylyq úshin «Bogatyr Kómir» JShS «Ákimshilik quqyq buzýshylyq týraly» Qazaqstan Respýblıkasynyń Kodeksiniń 164-babynyń 4-bóligi boıynsha jaýapkershilikke tartylyp, 4 667 200 teńge mólsherinde aıyppul salyndy.
