Jalpyrespýblıkalyq aksııa aıasynda áleýmettik qorǵalmaǵan jáne az qamtylǵan otbasylardyń balalaryna kómek kórsetý, ártúrli áleýmettik saldarǵa baılanysty balalardyń mektepke kelmeı qalý jaǵdaılaryn anyqtaý jumystary ári qaraı da jalǵasyn tabady. Osy oraıda Q.Jumanov epıdemııalyq jaǵdaıdyń saqtalýyna baılanysty «Mektepke jol» dástúrli aksııasyn ótkizý platforma arqyly jyl boıy jalǵasatynyn jetkizdi. Kómekke muqtaj ata-analar, sonymen birge qoldaý kórsetemin degen demeýshiler men mesenattar www.atamekenim.kz saıtynda ótinishterin qaldyra alady.
Qazirgi ýaqytta áleýmettik qorǵalmaǵan jáne az qamtylǵan otbasylardan shyqqan 22 142 oqýshyǵa 774 mln 970 myń teńge bıýdjet qarajaty esebinen kómek kórsetildi. Al aksııaǵa qoldaý bildirgen Almaty qalasynyń mesenattary 9 022 oqýshyǵa 123 mln 399 myń teńge kóleminde demeýshilik kómek kórsetti. Basqarma basshysynyń orynbasary sonymen birge qazirgi kezde jappaı oqytý qory tarapynan 1-11-synyp oqýshylary úshin tegin tamaq uıymdastyrylǵanyn atap ótti. Bul maqsatqa jergilikti bıýdjetten qarajat qarastyrylyp, qala mektepterindegi 24 myńnan astam oqýshy qamtamasyz etilgen.
