Prezıdent • 15 Qazan, 2021

TMD aýqymdy apattardyń aldyn alýda mańyzdy ról atqardy – Toqaev

163 ret kórsetildi

Táýelsiz Memleketter Dostastyǵy postkeńestik keńistiktegi aýqymdy apattardyń aldyn alýda mańyzdy ról atqardy. Bul týraly TMD uıymyna múshe memleketter basshylary keńesiniń kezekti otyrysynda Qazaqstan Prezıdenti Qasym-Jomart Toqaev aıtty, dep habarlaıdy Egemen.kz.

«Osydan týra 30 jyl buryn Qazaqstannyń Tuńǵysh Prezıdenti Nursultan Nazarbaevtyń bastamasymen Almatyda Memleketter basshylarynyń tarıhı kezdesýi ótip, onda Almaty Deklarasııasy qabyldanǵan bolatyn. Osynaý taǵdyrsheshti qujat jańa táýelsiz memleketterdiń kópqyrly yntymaqtastyǵyna myǵym negiz qalady.

Búginde Dostastyq postkeńestik keńistiktegi aýqymdy apattardyń aldyn alýda mańyzdy ról atqaryp, halyqtarymyz arasyndaǵy ózara baılanystardy saqtaýǵa septigin tıgizdi. TMD-nyń bedeldi halyqaralyq uıymǵa aınalýy da óte mańyzdy. Osy jyldardyń ishinde TMD keńistiginde ortaq kúsh-jigerdiń arqasynda kooperasııanyń shynaıy tetikteri quryldy, qomaqty normatıvtik-quqyqtyq baza qalyptasty. Yntymaqtastyqtyń barlyq derlik salasynda biregeı tájirıbe qalyptasty», dedi Memleket basshysy. QR Prezıdenti

Dostastyq belsendi saıası dıalogty damytýǵa, qaýipsizdik salasyndaǵy yntymaqtastyqty nyǵaıtýǵa qyzmet etip, saýda-ekonomıkalyq qarym-qatynasty damytýǵa jaǵdaı jasaıtyndyǵyn basa aıtty.

«Elderimizdiń tıimdi ıntegrasııasy TMD-da erkin saýda aımaǵyn qurýǵa septigin tıgizdi. Dostastyq qamqorlyǵymen mádenı-gýmanıtarlyq yntymaqtastyqty damytýdaǵy qadamdar da joǵary baǵaǵa laıyq. Bizdiń kezdesýmiz TMD elderiniń kópqyrly ózara is-qımylyn qorytyndylap, jańa mejesin ashady», dedi Qasym-Jomart Toqaev.

Sońǵy jańalyqtar

Álimhanuly-Andrade: Toǵyz aı kútken tolǵaqtaı

Kásipqoı boks • Búgin, 20:35

Japon teńizine 8 tonna kómir tógildi

Oqıǵa • Búgin, 19:35

Ýsık aqsha usynsa, Djoshýa kúte turady

Kásipqoı boks • Búgin, 19:20

Jalǵas qarsylasyn jazalaýǵa daıyn

Jekpe-jek • Búgin, 18:30

Almatyda 5G jelisi iske qosyldy

Tehnologııa • Búgin, 18:05

Pavlovtyń kezekti jekpe-jegi Máskeýde ótedi

Kásipqoı boks • Búgin, 16:50

Jeńilisten keıingi jańa qadam

Kásipqoı boks • Búgin, 16:05

Uqsas jańalyqtar