«TMD elderiniń ónerkásiptik kooperasııasyn keńeıtýge, onyń ishinde birlesken kásiporyndar qurýǵa, sharýashylyq sýbektileriniń óndiristik baılanystylyǵy men tıimdi yntymaqtastyǵyn qamtamasyz etýge negizgi nazar aýdarý qajet. Bul úshin keminde 2025 jylǵa deıin qoldaýdyń naqty tetikteri men quraldary bar ónerkásip keshenin damytýdyń jańa baǵdarlamasyn ázirleýdi usynamyz», dedi Qasym-Jomart Toqaev.
QR Prezıdentiniń atap ótýinshe, saýda-ınvestısııalyq qyzmetti nyǵaıtýda saýda qyzmetteri týraly kelisimge qol qoıý da qosymsha múmkindikter ashady. «Sonymen qatar biz osynaý mańyzdy qujatty kelisý prosesin jedeldetý qajet dep sanaımyn. Sondaı-aq ortaq agrarlyq naryq qurý máselesi de ótekti dep sanaımyz. Aýyl sharýashylyǵy sektoryndaǵy kooperasııany tereńdetý azyq-túlik qaýipsizdigin qamtamasyz etýge, ınfraqurylymdardy damytýǵa, ınnovasııalyq jobalardy júzege asyrýǵa baǵyttalýy tıis.
Osy turǵydan alǵanda TMD memleketteriniń azyq-túlik júıesiniń ózara is-qımylyn damytý strategııasyn ázirleý bizdiń ortaq múddemizge jaýap bere alar edi», dedi Memleket basshysy.
