«2021 jyly 1 qyrkúıektegi jaǵdaı boıynsha Qazaqstan halqynyń sany 19 mıllıon 42,1 myń adam, onyń ishinde qala halqy - 11 mıllıon 287,4 myń (59,3 paıyz), aýyl halqy - 7 mıllıon 754,7 myń adam (40,7 paıyz). 2020 jyldyń 1 qyrkúıegimen salystyrǵanda halyq sany 257,1 myń adamǵa nemese 1,4 paıyzǵa ósti», dep habarlady.
2021 jylǵy qańtar-tamyzda halyqtyń tabıǵı ósimi 2020 jylǵy qańtar-tamyzben (162,5 myń adam) salystyrǵanda 10,1 paıyzǵa ósti jáne 178,9 myń adam boldy. Tabıǵı ósimniń jalpy koeffısıenti 1000 turǵynǵa shaqqanda 14,14 paıyz bolady.
Týǵandar men qaıtys bolǵandar sany
2021 jylǵy qańtar-tamyzda dúnıege kelgender sany 296,5 myń adam bolsa, bul 2020 jylǵa qaraǵanda 8,4 paıyzǵa artyq (273,4 myń adam). Týýdyń jalpy koeffısıenti 1000 adamǵa 23,44-ke saı keledi.
Osy kezeńde qaıtys bolǵandardyń sany 117,6 myń adam, bul 2020 jylǵy qańtar-tamyzǵa qaraǵanda 6 paıyzǵa artyq (111 myń adam). О́limniń jalpy koeffısıenti 1000 adamǵa shaqqanda 9,3-ke saı keledi.
2021 jyldyń qańtar-tamyz aılarynda bir jasqa deıingi 2345 náreste qaıtys boldy. 2020 jyldyń osy kezeńinde 2129 náreste qaıtys boldy. О́lim-jitim 10,1 paıyzǵa artty. Náresteler óliminiń koeffısıenti 1000 dúnıege kelgen adamǵa 7,91 bolady.
Kóship kelgenderdiń sany
Kóshi-qon qyzmeti organdarynyń derekteri boıynsha, 2021 jylǵy qańtar-tamyzda elge kelgender sany - 6339 adam, elden ketkender sany - 22685 adam, kóshi-qon tepe-teńdigi 16346 adam bolady.
TMD elderinen kelgenderdiń úlesi 84,1 paıyzdy, kóship ketkenderdiń úlesi mıgranttardyń jalpy sanynyń 86,1 paıyzyn qurady.
Respýblıka sheginde kóship kelgender sany 7,3 paıyzǵa ulǵaıdy.
Qazaqstan ishinde azamattar Almaty, Nur-Sultan, Shymkent jáne Mańǵystaý oblystary arasynda aýysady.
