Aımaqtar • 19 Qazan, 2021

Bal bulaq bolyp aqty

74 ret kórsetildi

Quty qushaqtaǵan qala turǵyndary bal jármeńkesinen balpań basyp qaıtyp bara jatty. Kúzdiń mızam shýaq kúninde О́skemenge aýdandardan at arytyp kelgen omartashylar óz ónimderin qoljetimdi baǵada usyndy.

Myń túrli gúldiń baly – myń da bir aýrýǵa em ekenin biletin el qysqy maý­symǵa soǵymmen qatar, baldy da moly­nan alýǵa tyrysady. Shyǵys Qazaq­stan­da baldyń da tańdaýy kóp. Ásirese Katon­qaraǵaıdyń, Maraldynyń baly brend. Deıturǵanmen, ár óńirdiń shóbi ártúrli bolǵandyqtan ba, baly da ózinshe erekshe.

Jármeńkede jurttyń birqatary Kók­pektiniń balyna kezekke turdy. Ne qudireti bar dep, jaqyndasaq, faselııa gúlinen jınalǵan bal eken. Dámin tatyp edik, tańdaıda qalatyndaı. Omar­tashy Aleksandr Sharovtyń aıtýynsha, kóktemde uıalaryn adam aıaǵy basa bermeıtin taýdyń qoınaýyna jetkizedi. Sol mańdaǵy faselııa gúldegende aınala hosh ıiske bólenip, aralardyń yzyńy jıileı bastaıdy. О́simdik maýsymnan qyrkúıekke deıin gúldegendikten, bal ónimin molynan alýǵa múmkindik bar. Áýletimen omarta ustaıtyn «Faselııa» sharýashylyǵynyń aralary da qarapaıym emes, asyl tuqymdy. Jylyna 7 tonnaǵa deıin bal alady eken. A.Sharovtyń úsh uly da baldan bulaq aǵyzyp otyr. Úlken uly Maksım Sharov Reseıde omarta sharýashylyǵy boıynsha úlken ǵalym.

– Kókpekti aýdanynyń Marınogorka aýy­lynan keldik. Balǵa degen suranys jo­ǵary. Tipti shetelge deıin shyǵaramyz. Bú­gin alyp kelgen 150 kılo balymyz bir sa­ǵat­tyń ishin­de satylyp ketti, deıdi A.Sharov.

Bıyl jaz maýsymy jyldaǵydan qur­ǵaq bolǵanymen, baldyń túsimi jaman emes desedi omartashylar. Aıta keterligi, jármeńkede baldyń kılosy 1800-2000 teń­geden satyldy. Iá, tıimdi baǵa. Sol úshin de ónimin ótkize almaı turǵan omartashy bolmady.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Bek pen Aıdos jattyǵýǵa kiristi

Kásipqoı boks • Keshe

Uqsas jańalyqtar