Elorda • 20 Qazan, 2021

Syna qaqqandar sotta jeńilip qaldy

159 ret kórsetildi

Jaqynda Nur-Sultan qalasynda Janat Malgeldınov esimdi advokat elordanyń eń kórikti jeri Botanıkalyq saıabaqty boılaı salynǵan Túrkistan kóshesinen turǵyn úı turǵyzbaq bolǵan kompanııany sottyń birinshi satysynda jeńip shyqty. Osy jańalyqty advokattyń óz aýzynan estiginde basynda tańdanyp qaldyq. Árıne, bul tańdanysymyzdyń da sebebi joq emes edi.

Elordadaǵy aýmaǵy 90 gektar jerdi alyp jatqan saıabaqtyń dál qasynan turǵyn úı keshenin turǵyzýǵa jer alý ońaı sharýa emes. Osy ýaqytqa deıin mundaǵy jer telimderi tek BI group, «Bazıs A», «Orda Invest» sekildi senimdi qurylys kompanııalaryna ǵana berilip kelip edi. Osy kompanııalar saıabaqty aınaldyra úı salyp, bos jer qaldyrmaýǵa aınalǵan. Tek bir ǵana úlken jer telimi bos jatatyn. Turǵyndar «Bul jerge qalalyq polısııa basqarmasynyń ǵımaraty turǵyzylady eken» dep áńgime qozǵaıtyn. Ekinshi bireýler «Áı, mundaı keremet jer polısııa basqarmasyna tıe qoıar ma eken, onyń ornyna turǵyn úı me eken, joq álde saýda orny ma, áıteýir tabys tabýǵa laıyq basqa birdeme salynatyn bolypty» dep sońǵy estigen jańalyǵyn jetkizetin.

Bıyldan bastap osy bos jatqan telim qor­shalyp, burqyldatyp synalar qaǵyla bas­tady. Kim salyp jatyr, ne salyp jatyr, eshkimge belgisiz edi. Ádettegideı qury­lys­tyń pasporty da ilingenjoq. Eshkim eshte­meni bile almaı dúdámal boldy. Negizinde qury­lysty júr­gizýshi uıym, zań talaby boıynsha aı­nala­syn­daǵy turǵyndarmen kezdesip, qoǵam­dyq tyń­daý ótkizýi, ne salyp jatqan nysanyn tú­sindirýi, mańaıda turatyn halyqtyń piki­rin bilýi kerek. Biraq munyń jylty da bolǵan joq.

«Mylqaý qurylysty» júrgizýshi uıym osy ádetimen isin odan ári jalǵastyra berer me edi, kim bilsin, eger iske dál osy qurylys qasyn­­daǵy «Park Avenıý» turǵyn úı keshe­nin­de páteri bar advokat Janat Malgeldınov ara­­las­pasa. Ol tıisti oryndarǵa habarlasa júrip, sa­ly­nyp jatqan qurylys týraly «qu­pııa» aq­pa­rattardy jınastyrǵan. Sóıtip qu­ry­lys­ty júrgizýshi BINA Group, KCG Invest kom­panııalarynyń áreketterin zańsyz dep ta­ýyp, olarǵa qurylys júrgizýge ruqsat bergen Nur-Sultan qalasy ákiminiń 2020 jylǵy 29 qyrkúıektegi №510-2026 qaýlysy­nyń kúshin joıý jóninde sotqa talap aryz túsirgen.

Sot barysynda anyqtalǵandaı, basynda bul jer teliminiń qalalyq polısııa depar­tamentiniń ǵımaratyn salýǵa bólingeni ras eken. Barlyǵy eki gektar aýmaqqa salyna­tyn ǵımarattyń jalpy aýmaǵy 27 722 sharshy metrdi quraǵan. Alǵash 2012 jyly qabyldanǵan bul sheshim birneshe ret ózgertilgen. Sońynda jalpy aýmaǵy 75 800 sharshy metrdi quraıtyn 1 864 adamǵa arnalǵan turǵyn úı kesheni salynatyn bolyp shyqqan.

Osy rette aıta ketetin bir jaǵdaı, atalǵan turǵyn úı kesheni salynady dep jos­par­lanǵan mańaıda mektep pen balabaqsha tapshy. Máselen, osy mańaıǵa jaqyn ornalasqan 1 400 oqýshyǵa arnalǵan №84 mektepte qazir 3 myń oqýshy oqyp jatyr. Al «Daryn» dep atalatyn jalǵyz balabaqsha bos orynnyń joqtyǵynan qasynda turatyn turǵyndardyń balalaryn qabyldaýdan bas tartýda.

Taǵy bir eskere ketetin jaǵdaı, Botanıka­lyq baq ornalasqan aýmaqqalanyń bir kórnekti jeri bolyp esepteletindikten munda kóbinese bıznes klasty úıler, joq degende komfort klasty úıler salynýda. Ony tájirıbeli qurylys kompanııalary sapasyn jaqsy etip, talap dárejesinde salýda. Úlken turǵyn úı keshenin turǵyzǵan kezde ishinde mektep pen balabaqshanyń bolýyna da mán berýde. Al «mylqaý qurylysty» júrgizýshi BINA Group, KCG Invest kompanııalarynyń qandaı turǵyn úıdi josparlap otyrǵany da belgisiz. Bir bilgenimiz, salatyn turǵyn úı kesheniniń parkıngi ondaǵy adamdar sanyna múldem sáıkes kel­meı­tin bolyp shyqty. Mektep pen balabaq­sha salý degenińiz oıǵa da alynbaǵan. Sonda 12-14-16-18 qabattan turatyn bıik úılerdi shaǵyn aýmaqqa qaptatyp salyp, halyqty turǵan jerimen qyzyqtyryp páterlerdi sa­typ, aýmaqty yǵy-jyǵy adamdarǵa tolty­ryp, «is bitti, ketti» degendeı taıyp tur­maq pa?! Osy turǵyn úı kesheninen páter alǵan­dar erteń balalaryn qaıda oqýǵa aparady?

Bir jaqsysy, isti qaraǵan Nur-Sultan qalasynyń mamandandyrylǵan aýdanaralyq ákimshilik soty qala ákimdiginiń sheshimin zańsyz dep taýyp, onyń kúshin joıdy.

Elbasymyz elordany halyqqa jaıly etip salýǵa umtylyp, únemi óz baqylaýynda ustaǵany belgili. Prezıdent Qasym-JomartToqaevtyń «halyq únine qulaq asa­tyn memleket» tujyrymdamasyn engizgeni málim. Oqıǵanyń tobyqtaı túıini, osy qaǵı­dat jumys isteı bastapty. Advokat Janat Malgeldınovtiń sottaǵy jeńisin sonyń bir aıqyn dáleli dep qabyldaýǵa bolady. Tek árkim óz quqyn durys qorǵaı bilýi kerek sekildi.

Sońǵy jańalyqtar

Mektep oqýshysy mert boldy

Aımaqtar • Búgin, 13:16

Hattonnyń uly Attılany atynan túsirdi

Kásipqoı boks • Búgin, 10:35

Jekpe-jeksiz ótken alǵashqy jyl

Kásipqoı boks • Búgin, 09:08

«Dınamodan» jeńildi

Hokkeı • Búgin, 07:34

Kreatıvti kitap dúkeni

Aımaqtar • Búgin, 07:33

Janbota jarap tur

Sport • Búgin, 07:27

Aqyn tutynǵan kese

Tarıh • Búgin, 07:24

Jekpe-jek keıinge shegerildi

Boks • Búgin, 07:22

Bes belestiń bıigin baǵyndyrǵan...

Qoǵam • Búgin, 00:44

Uly Jambyl murasy ulyqtaldy

Rýhanııat • Búgin, 00:33

Uqsas jańalyqtar