Aımaqtar • 20 Qazan, 2021

Jemqorlyqtyń jolyn keskender syıaqy alýda

66 ret kórsetildi

 

Sybaılas jemqorlyq sanatyndaǵy qylmystarǵa taldaý nátıjesi Túrkistan oblysynda tirkelgen quqyq buzýshylyqtyń kóbi memleket múlkin jymqyrý, paraqorlyq, qyzmettik ókilettigin teris paıdalaný jáne qyzmettik jalǵandyq jasaý derekterine qatysty ekenin kórsetip otyr.

Jyl basynan bergi 9 aıda sotqa de­ıin­gi tergep-tekserýdiń biryńǵaı tizili­mi­ne jalpy 73 qylmystyq is tirkel­se, sybaılas jemqorlyq sanatyna jatatyny – 55. Sonyń ishinde aýyr qylmystary – 51, aýyrlyǵy ortasha – 18, onsha aýyr emes – 4. Jalpy tirkelgen qylmystardyń ishinde paraqorlyq qylmysy – 37, jymqyrý deregi – 25, ókilettigin asyra paıdalaný – 3. Sonymen qatar jergilikti atqarýshy organdar salasy jáne oǵan qarasty qu­r­y­lymdyq bólimsheler qyzmetkerleri tara­pynan shaǵyn jáne orta kásipkerlik qyz­metine zańsyz aralasýdyń 7 deregi anyq­talyp, 7 azamat ustalyp, ekeýi sot­tal­dy. Atalǵan kedergilerdiń oryn alýy­na memlekettik kirister basqarmasy, po­lı­sııa qyzmeti, sanıtarlyq-epı­de­mııa­­lyq jáne ákimshilik mekemeler túrt­ki bolǵan. Joǵarydaǵy derekterdi Sybaılas jemqorlyqqa qarsy is-qımyl agenttigi Túrkistan oblysy bo­­­ıynsha departamentiniń basshysy Hakim Kósh­qa­lıev Qoǵamdyq keńeste jasaǵan baıandamasynda keltirdi. Jyl basynan beri júıeli sybaılas jemqorlyqtyń deregi anyqtalǵan, memlekettik baǵ­dar­lamalar boıynsha 35 qylmys tir­ke­l­gen. Oblystyq deńgeıdegi birinshi basshylarǵa qatysty – 3, al aýdan jáne qalalyq deńgeıde 7 qylmys anyqtalǵan. Sybaılas jemqorlyqqa qarsy máde­nıet­ti qalyptastyrý baǵytynda 900 myń­ǵa jýyq adamdy qamtyǵan 1887 is-shara ótkizilipti. Al Protecting business andinvestments jobasy aıasynda jalpy sommasy 684 782 492 274 teńge bolatyn 76 iri ınvestor men kásipkerler departament tarapynan sybaılas jemqorlyqqa qarsy súıemeldeýge alynǵan. Jobalyq keńsege kásiptik sýbekt ókilderinen 72 shaǵym men ótinishter túsip, olardyń barlyǵynyń zańdy quqyqtary qalpyna keltirildi. «Sapaly jol» jobasy aıasynda 10 aýdan, qalada jol sapasyna monıtorıng jumystary júrgizilip, 44 kemshilik anyqtalypty. Anyqtalǵan kemshilikter negizinde tıisti mekemelerge usynys hat joldanyp, búginge deıin 36 kemshilik qaıta qalpyna keltirilgen. «Sybaılas jemqorlyqqa qarsy monıtorıng sportshylardyń jarystarǵa jáne oqý-jattyǵý jıyndaryna qatysýy bo­ıynsha, sondaı-aq jerge ornalastyrý jobasyn daıyndaý salalaryna qatysty júrgizildi. Engizilgen usynystardyń sany – 9. Bıylǵy 9 aıda óndiriste jal­py 227 qylmys bolǵan, departament qyzmetkerleriniń tirkegeni – 104. О́n­dirispen 125 qylmys aıaqtalyp, negizgi 20 qylmystyq is sot qaraýyna joldanǵan. Qalǵan 105-i qylmys quramynyń bolmaýyna baılanysty qysqartylǵan. Jalpy sotqa joldanǵan qylmystyq ister bo­­­ıynsha 560 mln teńge zalal keltirilip, 336 mln teńgesi óndirilgen», dedi Hakim Kóshqalıev.

Sondaı-aq departament basshysy qo­ǵamdyq keńes jumysyna turaqty qaty­syp, el pikirimen sanasa áreket etýge ázir ekendigin bildirdi. Sybaılas jem­­qorlyqpen kúreste azamattardy kóter­meleýdiń jańa saralanǵan júıe­si engizilgeni málim. Iаǵnı mundaı jaǵ­daı­lar týraly habarlaǵan adam aqshalaı qarajatpen yntalandyrylyp qana qoı­maı, memlekettiń qorǵaýynda bolady. Departament basshysynyń aıtýyna qaraǵanda, qylmystyń ashylýyna jár­demdesken 9 tulǵaǵa 1 762 690 teńge kóleminde aqshalaı syıaqy berilgen.

 

Sońǵy jańalyqtar

Álimhanuly-Andrade: Toǵyz aı kútken tolǵaqtaı

Kásipqoı boks • Búgin, 20:35

Japon teńizine 8 tonna kómir tógildi

Oqıǵa • Búgin, 19:35

Ýsık aqsha usynsa, Djoshýa kúte turady

Kásipqoı boks • Búgin, 19:20

Jalǵas qarsylasyn jazalaýǵa daıyn

Jekpe-jek • Búgin, 18:30

Almatyda 5G jelisi iske qosyldy

Tehnologııa • Búgin, 18:05

Pavlovtyń kezekti jekpe-jegi Máskeýde ótedi

Kásipqoı boks • Búgin, 16:50

Jeńilisten keıingi jańa qadam

Kásipqoı boks • Búgin, 16:05

Uqsas jańalyqtar