Sport • 20 Qazan, 2021

Bapker aýystyratyn ýaqyt keldi

98 ret kórsetildi

Jaqynda Qazaqstan quramasynyń balýandary kezekti ret álem birinshiliginen altyn medalsyz qaıtty. Sonaý 1999 jyldan beri jahandyq jarystyń bas júldesine jete almaı júrgen balýandarymyzdyń jeńilisterine, ókinishke qaraı, etimiz úırene bastady.

Osydan úsh jyl buryn álem birinshiligi Nur-Sultanda uıymdastyrylǵan kezde balýandarymyzdan kemi bir altyn medal kútip edik. О́z elimizde, óz jerimizde, mıllıondaǵan jankúıerdiń aldynda ba­lýandarymyz baryn salatyn shyǵar dedik. Joq, ol kezde de úmitimiz aqtalmady. Jigerimiz qum boldy. Altyn bitkenniń bárin Reseı, Iran, Japonııa, Grýzııa balýandary sypyryp áketti. Qazaqqa buıyrmaǵan altyn medal sol kezde qyrǵyz baýyrlarǵa buıyrdy.

P

Qyrǵyz demekshi, osy álem chempıonatynda Qyrǵyzstan balýandary aıdy aspanǵa shyǵaryp, 2 altyn, 2 kúmis, 2 qola medal aldy. Olar mundaı jetistikke álem chempıonatynyń tarıhynda tuńǵysh ret qol jetkizdi. Al bizder Jámıla Baqbergenova men Almat Kebisbaevtyń júldesine shúkir destik. Basqa ne deımiz?!

Qosh, sonymen Oslodaǵy álem chempıo­natyna oralaıyq. Jarystyń alǵashqy kúni bozkilemge erkin kúres sheberleri shyqty. Áset Serikbaev baptaıtyn ba­lýandarymyz sońǵy jyldary jap-jaqsy nátıje kórsetip júrgendikten be, júlde bolady-aý dep topshylaǵan edik. Alaıda balýandarymyz shetinen qırap qaldy. Adlan Asqarov pen Nurqoja Qaıpanovty, Álisher Erǵalı men Azamat Dáýletbekovti múlde tanı almadyq. Sońǵysy qola medal úshin kúresip edi, biraq besinshi orynnan aspady.

E

Qyzdar kúresinde 72 kg salmaqta kúresken Jámıla Baqbergenovanyń jetistigin bas barmaqpen baǵalaýǵa bolady. Ol osy jeńisine (kúmis medaldyń ózi biz úshin jeńis) jigeriniń, qaıtpas-qaısar mineziniń arqasynda jetti. Shırek jáne jartylaı fınaldyq beldesýlerde ol jeńisti julyp áketip otyrdy. О́kinishke qaraı, fınaldyq beldesýde Japonııa balýany bizdiń qyzdy ábden zerttepti. Alty mınýt boıy japon qyzy tek qorǵanýmen júrdi. Ádette japonııalyqtar qarsylastaryn atoılap júrip utatyn. Jámılamen ashyq aıqasqa barsa, jaza basatynyn bapkerleri de, balýannyń ózi de sezdi.  Baqbergenova «á» degennen ádis jasaýǵa talpynǵan edi. Biraq onysynan eshteńe shyqpady. Kerisinshe, úsh upaıdy qarsylasyna berip qoıdy. Japon qyzy Jámılanyń árbir qımylyn ańdyp, qarymtasyn qaıtarýǵa daıyn turdy. Bizdiń qyz da jasqandy ma, áıteýir táýekelge bara almady.

Grek-rım kúresinde qorjynymyzǵa jalǵyz qola medal salǵan Almat Kebisbaevqa alǵystan basqa aıtarymyz joq. Ol osymen álem chempıonatyndaǵy besinshi júldesin aldy. 2010 jyly qola medalmen qaıtsa, 2011 jyly fınalda utylyp, kúmis medaldy qanaǵat tutty. Odan beri úsh birdeı álem chempıonatynda úzdik úshtikti túıindedi. Álem nemese Olımpıada chempıony degen ataǵy joq demeseńiz, dál qazir álemde Almattaı kúresetin balýan kemde-kem.

Almattyń shırek fınaldaǵy Norvegııa balýanymen bolǵan beldesýi óte qıynǵa soqty. Tóreshilerdiń de kilem qojaıynyna «búıregi burǵany» anyq ańǵaryldy. Biraq oǵan kónetin Kebisbaev pa? Jartylaı fınalda kezdesken reseılik balýan da Almatqa qarsy tas-túıin shyqqany birden baıqaldy. Ásirese bizdiń jigittiń quryǵyna túsip, endi bolmaǵanda taza jeńileıin dep turǵan jerden óte ádemi sytylyp shyqty. Qola medal úshin bolǵan beldesýde Kebisbaev túrik balýanyn jeńdi.       

Jalpy, sońǵy jyldary Almattyń ardager balýan ekeni, jastarǵa oryn bosatý kerektigi kóp aıtylyp júr. Biraq ol jastarǵa qaraǵanda tájirıbesi mol, álemdik deńgeıde áli de bolsa kúrese alatynyn osy álem chempıonatynda taǵy bir márte kórsetti. Elimizde Almatty jeńetin balýan joq emes, bar. Biraq dál sol sııaqty kúresetin balýan joqtyń qasy.

Taıaýda Qazaqstan kúres federa­sııa­synyń basshylyq qyzmetine Erlan Qojasbaı keldi. Ol buǵan deıin erkin kúres boıynsha federasııanyń vıse-pre­zıdenti qyzmetin atqarǵan. Endi jańadan taǵaıyndalǵan prezıdent jańalyq ákele me? Eger kúres salasynda nátıje shyǵaramyn dese, jańa prezıdent eń aldymen bapkerler máselesine basa nazar aýdarýy tıis. Ásirese grek-rım kúresi men áıelder kúresinde bapker aýystyratyn ýaqyt jetkeni anyq. Bizdiń bapkerlerde qarsylastardy zertteý, balýandardy ji­gerlendirý, árbir ádisti sońyna deıin jetkize oryndatý, sońyna deıin kúrestirý degen atymen joq. Eger bolsa, jıyrma eki jyl boıy altyn kútip, zaryǵyp júrmes edik.

Grek-rım kúresinde balýandarǵa bas bolyp júrgen Baqtııar Baıseıitovtiń balýandyǵyna qarsy eshteńe aıta almaımyz. Biraq bapkerlik uǵym – múlde bólek álem, tunyp turǵan ǵylym. Sol sııaqty áıelder kúresine de ózgeris qajet. Álem chempıonatynda alǵan jalǵyz júldeni jeleý etýge bolmaıdy.

Sońǵy jańalyqtar

Álimhanuly-Andrade: Toǵyz aı kútken tolǵaqtaı

Kásipqoı boks • Búgin, 20:35

Japon teńizine 8 tonna kómir tógildi

Oqıǵa • Búgin, 19:35

Ýsık aqsha usynsa, Djoshýa kúte turady

Kásipqoı boks • Búgin, 19:20

Jalǵas qarsylasyn jazalaýǵa daıyn

Jekpe-jek • Búgin, 18:30

Almatyda 5G jelisi iske qosyldy

Tehnologııa • Búgin, 18:05

Pavlovtyń kezekti jekpe-jegi Máskeýde ótedi

Kásipqoı boks • Búgin, 16:50

Jeńilisten keıingi jańa qadam

Kásipqoı boks • Búgin, 16:05

Uqsas jańalyqtar