Aımaqtar • 20 Qazan, 2021

Týrıstik ınfraqurylymǵa qarjy quıýǵa múddeli

59 ret kórsetildi

Almatynyń tumsa tabıǵaty kez kelgen týrısti baýrap alýǵa qaýqarly. Ol úshin týrızmniń tynysyn ashyp, arnasyn keńeıtý qajet. Bul rette qyzmet kórsetý sapasyn zamanaýı standarttar deńgeıine kóterip, aqparattyq nasıhat jumystaryn bir júıege keltirýdiń mańyzy zor. Qýantarlyǵy, jeke ınvestorlar ólkeniń týrıstik ınfraqurylymyn damytýǵa mıllıardtap qarjy quıýǵa daıyn.

Jeke ınvestorlar bul ba­ǵytta 24,5 mlrd teńge quıýǵa daıar ekenin jetkizdi. Bul týraly M­ádenıet jáne sport mınıstri Aqtoty Raıymqulovanyń Ile-Alataý ulttyq parkindegi ın­ves­­torlarmen kezdesýinde bel­gili boldy. Kezdesý orny kez­deısoq emes, óıtkeni dál osy ult­tyq parkten ekologııalyq týrızm­di damytý tásilderin qaıta qalyptastyrý jobasy bastalǵan bolatyn.

Sapar barysynda mınıstr ulttyq parkterde ekotýrızmdi damytý basym baǵyttardyń biri ekenin, al Úkimet basshysynyń tap­syrmasy boıynsha qurylǵan Kazakh Tourism bazasynda Al­maty taý klasteriniń birik­tiril­gen jobalyq keńsesi barlyq múd­deli taraptyń jumysyna sınergetıkalyq áser bergenin atap ótti.

«Jergilikti atqarýshy or­gandardyń Kazakh Tourism kom­panııasynyń belsendi qaty­sýymen úılesimdi ju­mysynyń nátıjesinde Ekologııa, geologııa jáne tabıǵı resýrstar mı­nıstrligi Almaty óńiriniń ult­­tyq parkterine ekotýrızm bo­­ıynsha óz jobalaryn tabys­ty iske asyratyn strategııalyq ınvestorlardy tartty. Olardyń biri – Ile-Alataýdaǵy «Aıýsaı» vızıt-ortalyǵy, ol is júzinde aqparattyq pýnkt retinde ǵana emes, bilim berý, mádenı jáne korporatıvtik is-sharalardy ót­kizý orny retinde de jumys isteı alatynyn kórsetti», dedi Aqtoty Raıymqulova.

Eske salsaq, jyl basynda jeke ınvestorlar Ile-Ala­ta­ýynda vızıt-ortalyǵyn ashyp, munda «Tamyr» jabaıy tabıǵattaǵy ómir súrý mek­tebi jumys isteı bastaǵan bola­tyn. Kezdesýde kásipkerler tu­raq­ty týrızmge basa nazar aýda­­ra oty­ryp, «Altyn Emel», «Sha­ryn» jáne «Kólsaı kól­deri» ult­tyq parkterinde jumsaq jáne eko­logııalyq taza ınfra­qury­lym­dardy júzege asyrý jobalaryn tanystyrdy.

«Biz ulttyq parkterge ınvestısııa sala otyryp, eń aldymen ekologııany saqtaýǵa jáne týrızm esebinen aýyl hal­qynyń ómir súrý deńgeıin da­mytýǵa múddelimiz. Bul kún tár­tibi asa mańyzdy dep sanaı­myz. Sondyqtan Almaty obly­synyń ákimdigine, Kazakh Tourism jobalyq keńsesine jáne Ekologııa mınıstrligine qol­daý kórsetkeni úshin alǵys aıt­qymyz keledi», deıdi «Sha­ryn» jáne «Altyn Emel» ult­tyq parkterinde ekologııalyq tý­rızmdi damytý jobasynyń je­tek­shisi Jánibek Álkeev.

Aıta ketsek, Kazakh Tourism bazasynda Almaty taý klasterin damytý jónindegi birikken jo­balyq keńsege Almaty qalasy men oblys ákimdikteriniń, son­daı-aq óńirdegi tórt ulttyq park­tiń ókilderi kiredi.

 

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Bek pen Aıdos jattyǵýǵa kiristi

Kásipqoı boks • Keshe

Uqsas jańalyqtar