Aımaqtar • 21 Qazan, 2021

Aqtaýda «Caspian Ports and Shipping – 2021» II Halyqaralyq konferensııasy ótýde

30 ret kórsetildi

2021 jylǵy 19-21 qazanda Aqtaý qalasynda Kaspıı óńiriniń kólik-kommýnıkasııalyq keshenin damytý perspektıvalaryna arnalǵan «Caspian Ports and Shipping – 2021» II Halyqaralyq konferensııasy ótýde, dep jazady Egemen.kz.

Forýmǵa QR Indýstrııa jáne ınfraqurylymdyq damý vıse-mınıstri Rýslan Baımıshev qatysyp, mınıstr Beıbit Atamqulovtyń atynan quttyqtaýyn jetkizdi.

Konferensııaǵa álemdik deńgeıdegi kólik jáne logıstıka salasyndaǵy 80-nen astam túrli uıym ókilderi, Eýropalyq Odaqtyń 11 elshisi, onyń ishinde Belgııa, Bolgarııa, Horvatııa, Fınlıandııa, Germanııa, Latvııa, Rýmynııa, Ispanııa, Estonııa, Nıderlandy elshileri, Kaspıı mańy elderi men Túrkııanyń konsýldary, sondaı-aq Transkaspıı halyqaralyq kólik baǵdarynyń músheleri qatysty.

Konferensııada Kaspıı óńirindegi saýda suranysy, kólik salasyna ınvestısııa salý perspektıvalary, júk aǵyndaryn konteınerleý, ınfraqurylymdy sıfrlandyrý, «jasyl ekonomıkany» damytý máseleleri talqylandy.  

Forým aıasynda Aqtaý jáne Quryq teńiz porttaryna barý uıymdastyrylyp, is-sharaǵa qatysýshylar porttardyń qýatymen jáne olardy damytý perspektıvalarymen tanysty.

Bıylǵy 9 aıda osy porttar arqyly 4,1 mln.tonna júk tıelip, ótken jyldyń sáıkes kezeńimen salystyrǵanda astyqty aýystyryp tıeýde 50%-ǵa oń dınamıka baıqalady. (2021 jyly 9 aıda - 1,1 mln. tonna, 2020 jyldyń 9 aıynda – 733 myń tonna). Sondaı-aq konteınerler tıeý - 24% (2021 jyldyń 9 aıynda - 29,6 myń JFE, 2020 jyldyń sáıkes kezeńinde - 23,8 myń JFE) artty.

Búgingi tańda Kaspıı baǵytyndaǵy kólik qatynasyn damytýdyń basym mindetteriniń biri - teńiz porttary men otandyq saýda flotyn damytý, onyń ishinde Aqtaý porty bazasynda «konteınerlik hab» qurý. 2025 jylǵa qaraı konteıner aǵyny jylyna shamamen 100 myń JFE artady dep boljanyp otyr.  

Jalpy Kaspıı forýmy memleket pen bıznestiń kópjosparly qarym-qatynasy men Azııa men Eýropa arasyndaǵy kólik qatynasyn odan ári damytý úshin syndarly usynystar ázirleıtin alańǵa aınalady.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Bek pen Aıdos jattyǵýǵa kiristi

Kásipqoı boks • Keshe

Uqsas jańalyqtar