Aımaqtar • 21 Qazan, 2021

Petropavl mektepterine alashtyqtardyń esimin berýdi usyndy

40 ret kórsetildi

Soltústik Qazaqstan oblystyq máslıhaty 7 shaqyrylymynyń kezekten tys ótken sessııasynda Petropavldaǵy bilim berý jáne sport nysandarynyń tórteýine qazaqtyń birtýar uldarynyń esimderin berý týraly sheshim qabyldandy, dep habarlaıdy Egemen.kz.

SQO máslıhat depýtattarynyń aldynda mádenıet, tilderdi damytý jáne arhıv isi basqarmasy bastyǵynyń mindetin atqarýshy Dosbol Ábdirısov baıandama jasap, Petropavldaǵy birqatar nysanǵa Alash ardaqtylarynyń esimin berýdi usyndy.

Atap aıtqanda, №25 jalpy bilim beretin orta mektepke – Alash partııasynyń jetekshisi, Alashorda úkimetiniń tóraǵasy, pýblısıst, ǵalym, aýdarmashy Álıhan Bókeıhannyń, № 2 orta mektepke – keńestik memleket, saıası, mádenıet qaıratkeri, respýblıkanyń halyq aǵartý komıssary bolǵan, Soltústik Qazaqstan óńiriniń týmasy Smaǵul Sádýaqasulynyń, №9 orta mektepke qazaqtyń aqyny, ádebıet zertteýshi ǵalym, pýblısıst, pedagog, aýdarmashy, qoǵam qaıratkeri, ulttyq jazýdyń reformatory, aǵartýshy, Alashorda ókimetiniń múshesi - Ahmet Baıtursynulynyń esimderin berý usynyldy.

Sondaı-aq ulttyq sport túrlerinen oblystyq balalar men jasóspirimder sport mektebin qazaq halqynyń tarıhyndaǵy tuńǵysh kásipqoı balýan Qajymuqan esimimen ataý máselesi kóterildi. SQO máslıhat depýtattary usynysty biraýyzdan qabyldady. Endi oblystyq ákimdik janyndaǵy onomastıkalyq komıssııanyń qaýlysy men oblystyq máslıhat sheshimi respýblıkalyq onomastıkalyq komıssııanyń qaraýyna jiberiledi.

Bir jyl buryn Petropavldaǵy óner kolledjine Ermek Serkebaevtyń, oblystyq fılarmonııaǵa Aqan Seriniń esimderi berilgen edi. Sondaı-aq eki aýdandaǵy mektepter Maǵjan Jumabaevtyń jáne Qojabergen jyraýdyń esimimen ataldy.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Bek pen Aıdos jattyǵýǵa kiristi

Kásipqoı boks • Keshe

Uqsas jańalyqtar