Aımaqtar • 21 Qazan, 2021

Úıi órtenip ketken rıdderlikter jańa baspanaǵa kóshti

50 ret kórsetildi

Shyǵys Qazaqstan oblysy Rıdder qalasynda órtten zardap shekken otbasylar jańa úılerge kóshti, dep habarlaıdy Egemen.kz.

ShQO aqparat ortalyǵynyń málimetinshe, jańa «Botanıka» shaǵyn aýdanynda 32 úı salyndy. Osydan eki jarym aı buryn úıi otqa oranǵan azamattar búginde jańa baspanasynyń kiltin alyp otyr.

«О́ńirdiń qurylys kompanııalary úılerdi qysqa merzim ishinde salyp bitti. Olardyń árqaısysynda zamanaýı jylytý peshteri men as úı jıhazdary ornatylǵan. Bizge kómek kórsetken barlyq adamǵa úlken rahmet aıtqym keledi», deıdi orman órtinen zardap shekkenderdiń biri Anna Iseneva.

Qurylys kompanııalary balalar men sport alańdaryn, onyń ishinde fýtbol alańyn da salǵan. Ortalyq jaryqtandyrý, úılerge asfalttalǵan jol júrgizildi. Avtobýs aıaldamalary da ornatyldy. Jańa shaǵyn aýdanǵa eki kópbalaly otbasy qonystanǵan. Shaǵyn aýdannyń qurylysy aldaǵy ýaqytta da jalǵasady. Jospar boıynsha bıyl taǵy 110 úı salý úshin ýchaskeler bólinbek.

Esterińizge sala ketsek, bıylǵy 10 mamyrda ShQO-daǵy Rıdder orman sharýashylyǵynda órt shyqty. Dala órti 310 gektar aýmaqty sharpyp, 1 adam qaza tapty.

 

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Bek pen Aıdos jattyǵýǵa kiristi

Kásipqoı boks • Keshe

Uqsas jańalyqtar