Úkimet • 21 Qazan, 2021

A.Mamın Batys óńiriniń iri avtomagıstralin rekonstrýksııalaý barysyn tekserdi

75 ret kórsetildi

QR Premer-Mınıstri Asqar Mamın Aqtóbe jáne Atyraý oblystaryna jumys sapary aıasynda «Aqtóbe – Atyraý – Astrahan» avtojolyn rekonstrýksııalaý barysyn tekserdi, dep jazady Egemen.kz.

Avtojoldyń jalpy uzyndyǵy 897 shaqyrymdy quraıdy, onyń ishinde Aqtóbe oblysy boıynsha – 311 km, Atyraý oblysy boıynsha – 586 km. 2015 jyly «Atyraý – Maqat» ýchaskesiniń 164 shaqyrymy qaıta salyndy.

Qazirgi tańda «Aqtóbe – Qandyaǵash», «Qandyaǵash – Maqat», «Atyraý – RF shekarasy» ýchaskelerindegi avtojoldyń 733 shaqyrymynda rekonstrýksııalaý jumystary júrgizilip jatyr.

«Aqtóbe – Qandyaǵash» ýchaskesi (96 km) 4 jolaqty qozǵalysy bar I sanatty 78 km joldy jáne 2 jolaqty qozǵalysy bar II sanatty Qandyaǵash qalasyn aınalyp ótetin 18 shaqyrym joldy qamtıdy. Jyl sońyna deıin munda 18 shaqyrymdy jańa jol tósemimen qamtamasyz etý josparlanǵan.

«Qandyaǵash – Maqat» ýchaskesinde (360 km) asfaltbeton tóseý jáne joldy abattandyrý boıynsha sońǵy jumystar júrgizilip jatyr. 2021 jyly jańa jabynmen ýchaskeniń barlyq uzyndyǵy boıynsha qozǵalysty tolyq qamtamasyz etý kózdelgen. Bul rette Aqtóbe qalasynan Atyraý qalasyna deıingi jol eki ese qysqarady – buryn Aqtóbe-Atyraý ýchaskesiniń qanaǵattandyrarlyqsyz jaı-kúıine baılanysty júrgizýshilerge kórshiles óńirge Oral arqyly baryp, qosymsha 500 shaqyrymǵa jýyq jol júrýge týra keletin.

Jalpy uzyndyǵy 277 shaqyrymǵa sozylatyn «Atyraý – RF shekarasy» ýchaskesi (Astrahan qalasy baǵytynda) 1970 jyldary osine 8 tonna júktememen salynǵan III sanattaǵy respýblıkalyq mańyzy bar jol bolyp tabylady. Aýyr júk tasymaldaıtyn tranzıttik kólik quraldarynyń qozǵalys qarqyndylyǵynyń artýyna baılanysty joldyń jaǵdaıy nasharlap ketken.

Qaıta jóndeý nátıjesinde jyl sońyna deıin 92 shaqyrym jolda qozǵalys qamtamasyz etiledi, qalǵan 185 shaqyrym jolda jer tósemi tóselip, jol tóseminiń, kópirler men qubyrlardyń qurylymdyq qabattary salynyp jatyr. Jumystardy 2022 jyly aıaqtaý josparlanýda.

2021 jyly Qazaqstanda 8,4 myń shaqyrym avtojol, onyń ishinde respýblıkalyq mańyzy bar 5 myń shaqyrym, jergilikti jeli 3,4 myń shaqyrym jol qurylys jáne qaıta jańartý jumystarymen qamtyldy. Jol-qurylys jumystaryna 200 myńǵa jýyq adam tartylǵan. Bıyl elimizde 5,1 myń shaqyrym jolda jumystar aıaqtalatyn bolady. Qalǵan jumys kólemi aýyspaly jáne 2022 jyly oryndalady.

 

 

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar