Qazaqstan • 21 Qazan, 2021

Tiji jáne Nickelodeon mýltfılmderi qazaq tiline aýdarylady

98 ret kórsetildi

QR Aqparat jáne qoǵamdyq damý mınıstri Aıda Balaeva Tiji jáne Nickelodeon sııaqty telearnalardyń ónimderin qazaq tiline aýdarý qajettiligine toqtaldy, dep habarlaıdy Egemen.kz.

«Jyl basynan beri biz shetelde tanymal mýltıplıkasııalyq telearnalardyń ónimderin qazaq tiline aýdarý boıynsha jobany iske qostyq. Dálirek aıtqanda, bul  TiJi, Nickelodeon sııaqty arnalardyń mýltfılmderi. Olarmen kelissózder júrgizildi. Qazir «Qazaqfılm» negizinde aýdarma jasaýǵa kirisip kettik. Jyl sońynda bul jumys aıaqtalady. Bul Nickelodeon jáne TiJi mýltfılmderi qazaqsha sóıleıdi degendi bildiredi. Búginde qazaq tildi otbasylarda tárbıelenip jatqan kishkentaı balalardyń orys tilinde sóıleıtini eshkimge qupııa emes. Bul mýltfılmderdiń saldary. Til tek ata-ana tárbıesine ǵana emes, ekranǵa da baılanysty qalyptasatyn ýaqyt keldi. Shynynda da, qazaq tildi bala keıingi ýaqytta mýltfılmderdiń áserinen orys tilinde sóıleı beredi. Sondyqtan biz osy telearnalarmen kelissózder aıasynda 800 saǵattyq ónimdi qazaq tiline aýdarý boıynsha jumys istep jatyrmyz», dedi Aıda Balaeva OKQ-da ótken baspasóz máslıhatynda.

«Salystyrý úshin, «Masha men aıý» mýltfılminiń birinshi maýsymynyń túsirilimine 2 mlrd teńge jumsalady, al bul tek eki saǵattyq ónim. Al biz tanymal mýltıplıkasııalyq arnalardyń 800 saǵattyq ónimin tórt ese arzanǵa jasaımyz. Eger biz ózimiz sapaly ónim shyǵaratyn bolsaq, onda ol úlken qarajat pen kóp ýaqytty qajet etedi. Qazir biz ár ýaqytty tıimdi paıdalanýymyz kerek», dep túsindirdi mınıstr.

AQDM basshysy tanymal telearnalardyń mýltfılmderin qazaq tiline aýdaratyn bolsa, balalar da qazaq tilinde sóıleıdi dep esepteıdi. Sonymen qatar, Aıda Balaeva basqa tilderdi úırený qajettiligin atap ótti.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar