Aımaqtar • 22 Qazan, 2021

Taban astyndaǵy sýburqaq

44 ret kórsetildi

Bıyl Lısakov qalasyn abattandyrý boıynsha birneshe joba júzege asyryldy. Oǵan mysal retinde shaǵyn shahardyń shy­­­raıyn asha túsken Táýelsizdik alleıasy men tennıs orta­lyǵynyń janynan ashylǵan kóshe trenajerlerin aıtsaq ta jet­kilikti. Bul trenajerlermen múmkindigi shekteýli jan­dardyń aınalysýyna da jaǵdaı jasalǵan.

Qazir Sátbaev alleıasynda jerasty fontany ornatylyp jatyr. Ol jerdiń ústine emes, astyna ornatylatyndyqtan, muny jergilikti turǵyndar qurǵaq fontan dep ataıdy eken. Tereńge qondyrylǵan qu­byr­dyń tútikshelerinen atqy­laǵan sýdyń búlkilin ústinde kele jatqan adam tabanymen sezip, jerdiń astynan quddy bir bulaq kózi uryp jatqandaı áserde qalady.

Sáýlet jáne qala qurylysy bóliminiń bastyǵy Nadejda Patrıkeevanyń aıtýynsha, jerasty fontandaryn ornatýǵa «Qazsınk» seriktestigi 14,6 mln teńge qarjy bólip otyr. Sý­­burqaqtar on alty tútikshe arqy­ly jumys isteıdi, sondaı-aq jaryq­tandyrý júıesimen de qam­tylǵan.

– Fontan sýy jerge tósel­gen tastyń astynan uryp tura­dy. Qazir negizgi jumys­tardyń barlyǵy aıaqtaldy. Merdiger Almatydan keletin arnaıy qurylǵyny kútip otyr, sál ke­shigip jatyr. Bul sýburqaqtyń mańaıy qala tur­ǵyndary jıi keletin erekshe orynǵa aınalady dep úmittenemiz. Fon­tan­dy ornalastyrý, kómý, betine tas tóseý jumystaryn bıyl aıaqtaımyz. Bárin tekserip bolǵan soń, qysqy synaqtan ótkizemiz. Al mamyr aıyndaǵy merekelik kúnderdiń birinde basqa fontan­darmen birge iske qosýdy josparlap otyrmyz, – dedi  N.Patrıkeeva. 

Uqsas jańalyqtar