Qazaqstan • 22 Qazan, 2021

Qazaqstanda eńbek ınspektorlary halyqaralyq standarttan 3 ese az

82 ret kórsetildi

Qazaqstandaǵy memlekettik eńbek ınspektorlarynyń sany halyqaralyq standarttan 3 ese az, dep habarlaıdy Egemen.kz.

Bul týraly ortalyq kommýnıkasııalar qyzmetinde ótken brıfıngte QR Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıtetiniń tóraǵasy Erbol Nurǵalıev aıtty.

«Memlekettik eńbek ınspektorlarynyń jetispetıini týraly problemany talaıdan beri kóterip júrmiz. Búginde elimizde 246 ınspektor jumys isteıdi. Salystyratyn bolsaq, 2001 jyly Eńbek ınspeksııasy qurylǵan kezde 412 eńbek ınspektory jumysqa alynǵan. О́zderińiz bilesizder, memlekettik qyzmetker bolǵandyqtan qysqartý bolyp turady. Al 2013 jyly eńbek ınspeksııasynyń quzyretin jergilikti ákimdikterge bergen bolatynbyz. Sodan beri memlekettik ınspektorlardyń sany azaıyp, 246-ǵa deıin tústi», dedi Erbol Nurǵalıev.

Sondaı-aq, ol eldegi eńbek ınspektorlarynyń sany halyqaralyq standarttarǵa saı emes ekenin atady. Alaıda zańnamada ol tapshylyqtyń ornyn kásiporyndardyń ózderine baǵynyshty tehnıkalyq ınspektorlarmen toltyrý kózdelgen.

«Halyqaralyq eńbek qaýymdastyǵynyń usynystary bar. 10 myń jumysshyǵa bir memlekettik ınspektor kelýi kerek. Bul standartqa saı bolýy úshin bizge qazirgi ınspektorlardyń sanyn 3 esege kóbeıtý kerek.

Biraq bizdiń Eńbek kodeksinde óndiristik keńester qurý týraly normalar bar. Kóptegen kásiporynda 15 myńnan astam osyndaı keńes jumys isteıdi. Osy keńestiń quramynda tehnıkalyq ınspektorlar bar. Olardyń da mindeti memlekettik eńbek ınspektorlarynyń mindetimen uqsas», dedi komıtet tóraǵasy.

Sońǵy jańalyqtar

Belarýssııa referendým ótkizedi

Álem • Búgin, 13:05

30 soqqy – 1 gol

Fýtbol • Búgin, 12:51

Mýngııanyń armany – Golovkın

Kásipqoı boks • Búgin, 10:35

QazUÝ-da Táýelsizdiktiń onkúndigi bastaldy

Táýelsizdiktiń 30 jyldyǵy • Búgin, 09:55

«Qyzyl» aımaqta qalǵan jalǵyz-aq oblys

Koronavırýs • Búgin, 09:50

Qazaqstanda qansha adam vaksına saldyrdy

Koronavırýs • Búgin, 09:45

1137 adam koronavırýs indetinen saýyqty

Koronavırýs • Búgin, 09:30

Omıkron álemniń 20 memleketinen tabyldy

Koronavırýs • Búgin, 00:00

Altaı úzdikteri anyqtaldy

Aımaqtar • Keshe

Uqsas jańalyqtar