Sport • 22 Qazan, 2021

Mınıstrlik frıstaıl quramasyndaǵy janjalǵa túsinik berdi

201 ret

kórsetildi

1 mın

oqý úshin

Frıstaıldan Qazaqstan quramasynyń bas bapkeri Elena Krýglyhına komandanyń burynǵy múshesi Aleksandr Geberttiń aıyptaýyna jaýap berdi, dep habarlaıdy Egemen.kz.

Gaýhar QAPASh

Buǵan deıin sportshy vıdeo habarlama jasap, jattyqtyrýshy tarapynan qorlyq kórgenin aıtqan. Sondaı-aq quramadan shyǵýyna kelispeıtinin málimdegen.

Mınıstrlik frıstaıl quramasyndaǵy janjalǵa túsinik berdi.

Janjal týyndaǵan kezde Krýglyhına óziniń Instagram-daǵy paraqshasynda vıdeo jarııalap, jaǵdaıdy tolyq baıandaǵan.

Eske sala keteıik, buǵan deıin qazaqstandyq sportshy, frıstaıl komandasynyń eks-múshesi Aleksandr Gebert Instagram-daǵy paraqshasynda 2020 jyly ulttyq quramadan óz erkimen ketýge májbúr etkenin aıtqan.

Vıdeoda Aleksandr Gebert bas bapker sportshylarǵa memleketten kúndelikti ómir súrýge bólinetin aqshanyń qalǵanyn qaıtarýǵa májbúr etip, psıhologııalq qysym kórsetkenin aıtyp shaǵymdanǵan.

Mádenıet jáne sport mınıstrliginiń Sport jáne dene shynyqtyrý isteri komıteti 2020 jyly Aleksandr Gebert komıtettiń 2020 jylǵy 22 qazandaǵy buıryǵymen frıstaıl boıynsha shtattyq qurama komandanyń quramynan shyǵarylǵanyn rastady.

Komıtet Nur-Sultan qalasy boıynsha Ekonomıkalyq tergeý departamentine, sondaı-aq, qarjy monıtorıngi agenttigine hat joldap, onda Aleksandr Geberttiń Elena Krýglyhınge sportshylardan aqsha jınaýǵa qatysty shaǵymy boıynsha túpkilikti sheshim qabyldaý týraly aqparat beriletinin habarlady.