Qazaqstan • 22 Qazan, 2021

Asqar Mamın EO elshilerimen turaqty damý máselelerin talqylady

63 ret kórsetildi

QR Premer-Mınıstri Asqar Mamın Qazaqstannyń Eýropalyq Odaqpen ınvestısııalyq yntymaqtastyǵy boıynsha dıalogtyń 8-shi otyrysyn ótkizdi. Ekonomıkanyń ekologııalyq turaqty damýy jáne klımattyń ózgerýine qarsy kúres máseleleri qaraldy, dep habarlaıdy Egemen.kz  QR Premer-Mınıstriniń baspasóz qyzmetine silteme jasap.

Qazaqstanda akkredıttelgen EO elshisi Kestýtıs Iаnkaýskas, Fınlıandııa elshisi Soılı Mıakelaınen Býhanıst, Germanııa elshisi Monıka Iversen, Nıderlandy elshisi  Andre Karstens, «Qazaqstan-Germanııa agrarlyq-saıası dıalog» jobasynyń jetekshisi Aleksandr Barnevıs, «Qazaq-Finish Technology» Qazaqstan-fın tehnologııalar transferi ortalyǵynyń dırektory Dmıtrıı Jýkov jáne t. b. baıandama jasady. 

Ekologııa, geologııa jáne tabıǵı resýrstar mınıstri Serikqalı Brekeshev, aýyl sharýashylyǵy mınıstri Erbol Qarashókeev, saýda jáne ıntegrasııa mınıstri Baqyt Sultanov, ındýstrııa jáne ınfraqurylymdyq damý vıse – mınıstri Marat Qarabaev qabyldanyp jatqan sharalar týraly aqparat berdi. 

«Jasyl ekonomıkany» damytý, jańartylatyn energııa kózderi, Aral teńizi óńirindegi shóleıttenýge qarsy kúres, orman qoryn keńeıtý, aǵash óńdeý ónerkásibin damytý, organıkalyq ónim óndirisi men eksporty, aýyl sharýashylyǵynda ekologııalyq tyńaıtqyshtardy, EO-nyń «Fermadan ústelge» strategııasynyń ornyqty agrobıznes standarttaryn qoldaný jáne t. b. máseleler talqylandy. 

QR Premer-Mınıstri A. Mamın Qazaqstan klımattyń ózgerýine qarsy jahandyq kúres aıasynda óz mindettemelerin iske asyrý boıynsha sharalardy ulǵaıtyp jatqanyn atap ótti. Bul rette kúsh-jiger ekonomıkanyń turaqtylyǵy men dekarbonızasııasyn arttyrýǵa baǵyttalǵan. Úkimet 2020 jylǵy jeltoqsanda QR Prezıdenti Qasym-Jomart Toqaev jarııalaǵan BUU-nyń klımattyq ambısııalar jónindegi Sammıti sheńberinde Qazaqstannyń 2060 jylǵa qaraı kómirtekti beıtaraptyqqa qol jetkizýi jónindegi maqsatty iske asyrý úshin praktıkalyq sharalar qabyldap jatyr. 

Qazir QR-nyń 2060 jylǵa deıin kómirtekti beıtaraptylyqqa qol jetkizý doktrınasy ázirlenip jatyr. Qujat qaıta jańartylatyn jáne dástúrli energetıka, ónerkásip, aýyl jáne orman sharýashylyǵy, kólik, TKSh jáne qaldyqtardy kádege jaratýǵa basa nazar aýdara otyryp, ulttyq ekonomıkanyń barlyq sektorlarynda reformalardy kózdeıdi. Qorshaǵan ortaǵa shyǵaryndylardy azaıtýǵa QR ekonomıkasynyń energetıkalyq tıimdiligin arttyrý, elektrlendirý, jerdi turaqty paıdalaný jáne jańartylatyn energııa kózderin keń aýqymda paıdalaný arqyly qol jetkiziletin bolady. Kómirtekti beıtaraptylyqqa qol jetkizý doktrınasyn iske asyrý kezinde naryq tetikteri men jeke ınvestısııalardyń áleýeti barynsha paıdalanylatyn bolady. 

Úkimet basshysy QR Prezıdenti Qasym-Jomart Toqaevtyń memlekettik orman qory jerlerinde 2 mlrd aǵash jáne eldi mekender aýmaǵynda 15 mln aǵash otyrǵyzý men orman ósirýdiń keshendi josparlary, sondaı-aq 2021-2025 jyldarǵa arnalǵan eldi mekenderdi kógaldandyrýdyń óńirlik josparlary ázirlengenin atap ótti. 

QR ekonomıkasynyń orman sektoryn damytýdyń 2025 jylǵa deıingi bas jospary iske asyrylýda, onda ormandardaǵy kúzet-qorǵaý sharalaryn kúsheıtý, jeke orman ósirýdi memlekettik qoldaý jáne basqa da sharalar kózdelgen. Aǵash otyrǵyzýǵa jáne ósirýge jumsalatyn shyǵystardyń 50%-yn óteý arqyly eldiń aǵash daıyndaý-aǵash óńdeý kesheni sýbektileriniń básekege qabilettiligin arttyrý úshin jaǵdaılar jasaldy. 

Premer-Mınıstr Eýropalyq Odaq elshilerin Qazaqstannyń EO-men saýda-ekonomıkalyq jáne ınvestısııalyq yntymaqtastyǵyn damytýǵa járdemdesý boıynsha odan ári ashyq jáne belsendi dıalogqa shaqyrdy.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Bek pen Aıdos jattyǵýǵa kiristi

Kásipqoı boks • Keshe

Uqsas jańalyqtar