Qazaqstan • 23 Qazan, 2021

Kemelbek Oıshybaev Túrkııanyń iri medıaholdıngi «TRT» basshysymen kezdesti

140 ret kórsetildi

QR Aqparat jáne qoǵamdyq damý vıse-mınıstri Kemelbek Oıshybaev Túrki keńesi medıaforýmynyń jumysy aıasynda «TRT» memlekettik medıaholdınginiń basshysy Mehmet Sobadjımen kezdesti, dep habarlaıdy Egemen.kz

Kemelbek Oıshybaev medıa salasy mamandaryn oqytýdy uıymdastyrý jáne birlesken kontent qurý salasyndaǵy yntymaqtastyqty odan ári damytý qajettigine erekshe nazar aýdardy.

О́z kezeginde Mehmet Sobadjı «Qorqyt Ata» teleserıalyn túsirýdi uıymdastyrý boıynsha birlesken joba qurýǵa daıyn ekenin bildirdi. Ol birlesken kontentti qurý Qazaqstan men Túrkııa halyqtarynyń mádenı baılanystaryn damytýǵa, sondaı-aq týrızmdi damytýǵa yqpal etetinin atap ótti.

Eske sala ketsek, 2021 jyldyń 22-24 qazan aralyǵynda Ystambulda Qazaqstan, Túrkııa, Ázirbaıjan, О́zbekstan, Qyrǵyzstan, Túrkimenstan jáne Majarstan memlekettik organdary ókilderiniń, aqparat salasyndaǵy basshylar men sarapshylardyń, ǵalymdardyń, jýrnalısterdiń, blogerler men qoǵam belsendileriniń qatysýymen Túrki Keńesiniń medıaforýmy ótýde.

r

Forýmnyń kún tártibinde – túrki áleminiń damý perspektıvalaryna, kınoındýstrııaǵa, áleýmettik jelilerge jáne óskeleń urpaqty tárbıeleýge qatysty máseleler tur.

Forým jumysyna Qazaqstan delegasııasynyń quramynda QR Aqparat jáne qoǵamdyq damý vıse-mınıstri Kemelbek Oıshybaev, Qazaqstannyń Azamattyq alıansynyń prezıdenti Baný Nurǵazıeva, elimizdiń jetekshi BAQ basshylary: Lázzat Tanysbaı («Qazaqstan» RTRK), Eldos Nashıralı (QazAqparat), «Qazaqfılm» AQ prezıdenti Aqan Sataev, qoǵam qaıratkeri Toǵjan Qojalıeva, aktrısa Almıra Tursyn jáne t.b. qatysady.

Forým erteń, 2021 jyldyń 24 qazanynda, tanymal túrik tarıhı serıaldary túsirilgen platformaǵa ekskýrsııamen aıaqtalady.

o

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Bek pen Aıdos jattyǵýǵa kiristi

Kásipqoı boks • Keshe

Uqsas jańalyqtar