Ekonomıka • 25 Qazan, 2021

Qazaqstandyqtardyń zeınetaqy jınaǵy 5 paıyzǵa ósti

133 ret kórsetildi

Qazaqstandyqtardyń zeınetaqy jınaqtary 13 trıllıon teńgeden asty. BJZQ 2021 jyldyń 1 qazanyna aldyn ala nátıjeni jarııalady, dep habarlaıdy Egemen.kz.

2021 jyldyń 1 qazanyndaǵy jaǵdaı boıynsha, Biryńǵaı jınaqtaýshy zeınetaqy qory salymshylarynyń shottarynda 13,1 trıllıon teńgeden asa zeınetaqy jınaqtary qalyptasty. 1.10.2020 jyldan bastap 1.10.2021 jylǵa deıingi bir jyl ishinde zeınetaqy jınaqtarynyń somasy 569,5 mıllıard teńgege nemese 5 paıyzǵa ósti.

Zeınetaqy jınaqtarynyń negizgi somasy mindetti zeınetaqy jarnalary (MZJ) esebinen jınaqtalǵan, onyń mólsheri 12,7 trıllıon teńge (sońǵy 12 aıdaǵy ósim – 4 paıyz). Mindetti kásiptik zeınetaqy jarnalary (MKZJ) boıynsha zeınetaqy jınaqtarynyń somasy 349,5 mıllıard teńge (ósim – 16 paıyz), al erikti zeınetaqy jarnalary (EZJ) boıynsha zeınetaqy jınaqtarynyń somasy 1,6 mıllıard teńgege jetken.

Salymshylar jarnasynan basqa, zeınetaqy jınaqtarynyń aıtarlyqtaı ósýi 2021 jylǵy 1 qańtar aıynan 1 qazanyna deıin 1 trıllıon teńgeden asa taza ınvestısııalyq tabystyń arqasynda qamtamasyz etilgen. Bul jemisti bolǵan byltyrǵy kórsetkishten asyp tústi, naqtyraq aıtqanda, 1 paıyz nemese 7 mıllıard teńgege artyq. Qazaqstan Respýblıkasy Ulttyq Bankiniń basqarýymen BJZQ zeınetaqy aktıvteri boıynsha kiristilik jyl basynan beri 8,89 paıyz, al ınflıasııa 6,2 paıyz bolǵan. Bul rette sońǵy 12 aıdaǵy kiristilik – 10,08 paıyz, osy kezeńdegi ınflıasııa – 8,9 paıyzdy kórsetken.

BJZQ-daǵy jeke zeınetaqy shottarynyń sany 2021 jylǵy 1 qazandaǵy jaǵdaı boıynsha 11,7 mıllıon birlikke teń. Shottardyń eń kóp sany mindetti zeınetaqy jarnalary (MZJ) boıynsha ashylǵan, olardyń sany – 10 909 456 birlik. Odan ári MKZJ esebinen qalyptasqan shottar - 534 067 birlik. BJZQ-daǵy EZJ esebinen qalyptasqan shottar sany qazir 54 013 birlik boldy.

Jyl basynan beri BJZQ salymshylaryna shamamen 2,1 trıllıon teńge tólendi, tólemderdiń basym bóligin birjolǵy zeınetaqy tólemderi (BZT) qurady, onyń kólemi – 1,9 trıllıon teńge.

Tólemder somasy boıynsha ekinshi orynda jasy boıynsha tólemder – 71,6 mlrd teńge. Odan ári saqtandyrý uıymdaryna aýdarymdar, ol shamamen 47,6 mlrd teńge, muragerlik boıynsha tólemder – 43,3 mlrd teńge, QR sheginen tys TTJ ketýge baılanysty tólemder – 29,1 mlrd teńge, jerleýge – 4,0 mlrd teńge jáne múgedektik boıynsha tólemder 1,6 mıllıard teńge.

Keste boıynsha aı saıynǵy ortasha tólem somasy (zeınet jasyna tolýyna baılanysty) 28 525 teńge, al aı saıynǵy tólemniń eń joǵary somasy 673 643 teńge bolǵan.

Sońǵy jańalyqtar

Álimhanuly-Andrade: Toǵyz aı kútken tolǵaqtaı

Kásipqoı boks • Búgin, 20:35

Japon teńizine 8 tonna kómir tógildi

Oqıǵa • Búgin, 19:35

Ýsık aqsha usynsa, Djoshýa kúte turady

Kásipqoı boks • Búgin, 19:20

Jalǵas qarsylasyn jazalaýǵa daıyn

Jekpe-jek • Búgin, 18:30

Almatyda 5G jelisi iske qosyldy

Tehnologııa • Búgin, 18:05

Pavlovtyń kezekti jekpe-jegi Máskeýde ótedi

Kásipqoı boks • Búgin, 16:50

Jeńilisten keıingi jańa qadam

Kásipqoı boks • Búgin, 16:05

Uqsas jańalyqtar