Aımaqtar • 26 Qazan, 2021

Aqtaýda 15 mln teńgege salynǵan qyzǵaldaqtar qulap jatyr

139 ret kórsetildi

Aqtaýda 15 mıllıon teńgege qoıylǵan plastık qyzǵaldaqtar men 5 mıllıon teńgeniń átkenshegi bir aı ótpeı qıraı bastaǵan, dep jazady Egemen.kz jergilikti BAQ-qa silteme jasap.

Mangystaumedia.kz saıty ákimdiktiń qalaǵa kórik beredi degen «Gúldi alańdaǵy» plastık qyzǵaldaqtar qulap jatqany jaıly dabyl qaqty. Aımaqtaǵy jýrnalıster plastık gúl sabaǵynan aıyrylyp, ushyp jatqanyn habarlaǵan. Gúlder bekitilgen kógal da tegis qoıylmaǵan, elektr symdar ashyq tur. Turǵyndardyń kóp bóligi ákimdiktiń bul ınstallıasııaǵa 15 mıllıon teńge jumsaǵanyna narazy.

5 mıllıon teńgege ornatylǵan átkenshekterdiń de jerge bekitilgen shynjyry on kún ishinde ajyrap úlgergen. Saldarynan keıbir oryndyqtar qısaıyp qalǵan.

sh

Al ákimdik bul ınstallıasııalardy áli óz teńgerimine qabyldamaǵanyn habarlaǵan.

«Átkenshek te, gúlder alańy da qala ákimdigine tapsyrylmaǵan. Átkenshektiń synǵan elementteri bıýdjetke eshqandaı shyǵyn keltirip turǵan joq. Merdiger mekemege qaıta qalpyna keltirýge tapsyrma berildi. Barlyq nysandy aıaqtap qala ákimdiginiń teńgerimine bergennen keıin ary qaraı kútip ustaý jumystaryn merdiger mekeme ózi júrgizetin bolady. Oǵan bıýdjetten qarajat qaralmaıdy», dedi Aqtaý qalalyq TÚKSh bóliminiń kommýnaldyq sektor meńgerýshisi Aıbek Erbólekov.

Aıta ketý kerek, osydan 10 kún buryn ákimdik qala ásemdigi úshin 43 mıllıon teńge qarajat jumsap tórt ınstallıasııany ornatqan.

Sońǵy jańalyqtar

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Shıraz bulbuly

Ádebıet • Keshe

Ata jurtta

Ádebıet • Keshe

Oqý men oqymaý hám talǵam

Ádebıet • Keshe

Abaı oblysynyń aty ozdy

Aımaqtar • Keshe

Uqsas jańalyqtar