Tóbeles ózara kelise almaǵan eki qyzdyń arasynda shyqqan. Keıin tóbeleske úshinshi qyz qosylǵan. Jasóspirim qyzdardyń arasyndaǵy janjaldy kolledjdiń oqytýshylary men stýdentteri toqtatqan.
«Stýdentter sabaqtan keıin, túski mezgilinde tóbelesken. Biz tóbeleske qatysqan stýdentterdiń ata-analaryn shaqyryp, jınalys ótkizdik. Birinshi kýrs stýdentterimen de túsinik jumystary júrgizildi. Psıholog stýdenttermen jeke áńgimelesý ótkizdi», deıdi kolledj dırektorynyń orynbasary Nazerke Kojabaeva.
Oblystyq polısııa departamenti baspasóz qyzmeti málim etkendeı, úsh jasóspirimniń ata-anasyna QR Ákimshilik quqyqbuzýshylyq týraly kodeksiniń 435-babymen hattama toltyrylǵan. Jınaqtalǵan is qujattary Atyraý oblystyq kámeletke tolmaǵandar isi jónindegi mamandandyrylǵan aýdanaralyq sotqa joldandy.
