Oqıǵa • 26 Qazan, 2021

Elorda turǵyny sot oryndaýshysyn baltamen uryp óltirmek boldy

86 ret kórsetildi

Elordadaǵy jeke sot oryndaýshylarynyń biri jergilikti turǵynnyń ústinen polısııaǵa aryz túsirdi. Onyń sózinshe, qyzmet etý kezinde boryshker ony baltamen uryp óltirmek bolǵan, dep habarlaıdy Egemen.kz.

Bul týraly jeke sot oryndaýshylary aımaqtyq palatasynyń baspasóz qyzmeti málim etti.

Anyqtalǵandaı, N. esimdi azamattyń jalpy somasy 196 545 teńgeni quraıtyn 17 ákimshilik aıyppuly bolǵan. Sondaı-aq, bankke 358 728 teńge bereshegi bar eken.

«Jeke sot oryndaýshylary boryshkerge bereshegin qaıtartý úshin talapqa saı bar áreketti júrgizdi: múlikterine shekteý men buǵat qoıyldy. Ol 2020 jyldyń qazan aıynan beri bereshegin qaıtarýdan úzildi-kesildi bas tartyp keledi. Atqarý sheshimin oryndaý maqsatynda onyń menshigindegi VAZ-2115 avtokóligin tárkileý sheshimi qabyldandy», delingen atalǵan aqparatta.

26 qazan kúni tańǵy 8:45-te jeke sot oryndaýshysy boryshker turatyn mekenjaıǵa barǵan jáne jol jıeginde turǵan oǵan tıesili avtokólikti kórgen. Ol atalǵan 17 ákimshilik aıyppuldy dál osy avtokólikpen jol erejesin buzý arqyly arqalaǵan.

Jeke sot oryndaýshysy boryshkerden kólikti berýin suraǵanda ol ashýǵa salynyp, kiltti berýden bas tartqan.

«Munan keıin ol úıinen temir balta alyp shyǵyp, jeke sot oryndaýshysy men polısııa qyzmetkerine shabýyldaǵan. Bul oqıǵa beınebaqylaý kamerasyna jazylyp qalǵan. Polıseı oǵan kózdi jasaýratatyn gaz qoldanyp, qolyndaǵy baltasyn alyp qoıdy», delingen Jeke sot oryndaýshylary aımaqtyq palatasy taratqan habarlamada.

Jeke sot oryndaýshysy boryshkerdiń ústinen polısııaǵa aryz túsirdi.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar