Prezıdent • 26 Qazan, 2021

Memleket basshysy Majarstan Premer-Mınıstriniń orynbasaryn qabyldady

149 ret kórsetildi

Memleket basshysy Qazaqstan men Majarstannyń Strategııalyq keńesiniń besinshi otyrysyna jáne bıznes-forýmǵa qatysý úshin elordaǵa kelgen Majarstan Premer-mınıstriniń orynbasary – Qarjy mınıstri Mıhaı Vargany qabyldady, dep habarlaıdy Egemen.kz Aqordaǵa silteme jasap.

Kezdesý barysynda qos tarap saýda-ekonomıkalyq, qarjy, ınvestısııa jáne mádenı-gýmanıtarlyq salalardaǵy qatynastardy damytýdyń perspektıvalaryn qarastyrdy. Sondaı-aq, pandemııaǵa qarsy kúres sharalaryna, klımattyń ózgerýine jáne aımaqtyq kún tártibine qatysty máseleler talqyǵa salyndy.

Memleket basshysy Qasym-Jomart Toqaev elimizdiń tileýles dosy Mıhaı Vargaǵa iltıpat bildirip, onyń Qazaqstanǵa sapary tabysty bolatynyna jáne eki memleket arasyndaǵy yntymaqtastyqty odan ári damytýǵa serpin beretinine senim bildirdi.

Majarstan Premer-mınıstriniń orynbasary – Qarjy mınıstri Qasym-Jomart Toqaevqa alǵys bildirip, álemdegi epıdahýalǵa qaramastan, Qazaqstan men Majarstan arasyndaǵy baılanystardyń damý qarqyny báseńdemegenin eske saldy.

Qazaqstan Prezıdenti men Majarstan Premer-mınıstriniń 2019 jylǵy sáýirde Nur-Sultan qalasynda tabysty kezdesý ótkizgenin aıtqan Mıhaı Varga Majarstan basshylyǵy Qasym-Jomart Toqaevtyń Býdapeshtke aldaǵy ýaqytta jasaıtyn saparyn asyǵa kútip otyrǵanyn aıtty.

Majarstan saıasatkeri Prezıdentke pandemııa kezinde kórsetken qoldaýy úshin alǵys bildirip, Nur-Sultan qalasyndaǵy bıznes-forýmnyń tabysty ótkenin alǵa tartty. Atalǵan shara barysynda birqatar mańyzdy ınvestısııalyq kelisimge qol qoıyldy.

Kezdesý sońynda Qasym-Jomart Toqaev Qazaqstan men Majarstan arasyndaǵy yntymaqtastyqty damytýǵa qosqan úlesi úshin Mıhaı Vargany II dárejeli «Dostyq» ordenimen marapattady.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar