Rýhanııat • 26 Qazan, 2021

«Kúı anasynyń» 160 jyldyǵyna oraı 160 oqýshyǵa dombyra syılandy

258 ret kórsetildi

Darıǵa Nazarbaeva 160 oqýshyǵa dombyra tartý etti. Bul isshara Dına Nurpeıisovanyń 160 jyldyǵyna oraı uıymdastyrylyp otyr, dep habarlaıdy Egemen.kz

«Degdar» gýmanıtarlyq qorynyń jańa qaıyrymdylyq jobasy kúıshi Dına Nurpeıisovanyń 160 jyldyǵy aıasynda uıymdastyryldy. Jobanyń gýmanıtarlyq maqsaty – dombyra satyp alýǵa múmkindigi joq talantty balalarǵa qazaqtyń kıeli mýzykalyq aspabyn tabystaý. Arnaıy jasalǵan 160 dombyra ata-ana qamqorlyǵynsyz qalǵan balalar men az qamtylǵan otbasylardan shyqqan búldirshinderge úlestirildi. Sonymen qatar bul joba «kúı anasy» atanǵan Dına Nurpeıisovanyń baı murasyn dáripteýdi, ulttyq ónerdiń nasıhattalýyna úles qosýdy kózdeıdi.

«Degdar» gýmanıtarlyq qory Qamqorlyq keńesiniń tóraǵasy Darıǵa Nazarbaeva atap ótkendeı, dombyra ejelden beri mýzykalyq mádenıetimizdiń basty sımvoly bolyp keledi.

«Degdar» gýmanıtarlyq qory mektepter men balalar ansamblderine  mýzykalyq aspaptar syılaıdy, sonyń arqasynda dombyra tartyp úırensem degen talaı balanyń tilegi oryndalady. Bul syılyǵymyz áıgili kúıshi Dına Nurpeıisovanyń 160 jyldyǵymen oraılas kelip otyr. Ol óziniń talanty, mýzykaǵa degen mahabbaty men týǵan jerge degen súıispenshiliginiń arqasynda «Kúı anasy», tuńǵysh áıel-kompozıtor atandy. Onyń kúılerinde  dalanyń  tylsym daýsy men bulbul qustyń ásem úni bar.

Bar bolǵany eki shekti kóne aspapta týǵan jerimizdiń sulýlyǵy men syrly sezim tunyp tur. Qazirgi mýzyka álemi óte baı, alýan túrli. Al dástúrli ónerdi tańdaǵan sizderdiń shákirtterińiz  úshin zamanaýı kompıýterlik tehnologııa  dombyranyń ǵajap daýsyna kóleńke túsire almapty.  Men buǵan óte  qýanyshtymyn. Ulttyq mýzykaǵa qushtar balalar kóp bolǵan saıyn,  ultymyzdyń bolashaǵy  jarqyn, rýhy joǵary bolatynyna senemiz.         

Qurmetti mektep basshylary jáne ustazdar! Men sizderge osy aspaptardy syıǵa tarta otyryp, jas urpaqty tárbıeleý isinde sáttilik pen tózimdilik, izgilik pen meıirim tileımin! Al talantty jastarǵa shyǵarmashylyq tabys tilegim keledi. Biz sizderdi elimizdiń eń úlken sahnalarynan kóretin bolaıyq, dedi Darıǵa Nazarbaeva óz sózinde.

Is-sharaǵa qatysqan Mádenıet jáne sport mınıstri Aqtoty Raıymqulova óz kezeginde pedagogterge jáne balalar mýzyka mektepteriniń, ansamblderdiń jetekshilerine alǵysyn bildirdi: 

Dına Nurpeıisovanyń 160 jyldyǵy aıasynda ótkizilip jatqan kóptegen is-sharalardyń arasynda «Degdar» gýmanıtarlyq qory uıymdastyrǵan jobanyń orny bólek ekenin kúıshiniń shóberesi Tólegen Qýanyshev atap ótti.

15

Isshara aıasynda qatysýshylar kúıshi Dına men Qurmanǵazynyń týyndylary oryndalǵan konserttik baǵdarlamany tamashady. Sahnada «Baıjuma», «Saranjap», «Balamıshka», «Balbyraýyn», «Adaı», «Naýysqy» t.b. kúıler oryndaldy. Qazaqtyń kúı tartys ónerin  Samvel Aznovarıan, Mozes Zıborkede, Sabır Gýseınov, Mıhaıl Abýov sheber kórsete bildi. Túrli ulttyq mýzykalyq aspaptardyń únin jańǵyrtqan «Astana sazy» ansambliniń óneri de kópke unady. Belgili ártistermen birge sahnada «Úmit», «Shabyt» jáne «Býrabaı» atty balalar ansamblderi óner kórsetip, jańa mýzykalyq chellendj bastady. Uıymdastyrýshylar atap ótkendeı, chellendj aıasynda árbir vıdeo Instagram áleýmettik jelisinde #DınaNýrpeısovaFondDegdar heshtegimen jarııalanyp, dombyrada oınaýdyń onlaın jarysy retinde usynylady. Chellendj óskeleń urpaqtyń boıyna rýhanı qundylyqtardy sińirip, ulttyq ónerdiń saqtalýy men nasıhattalýyn arttyrýǵa baǵyttalǵan.  Jańa mýzykalyq chellendj Instagram áleýmettik jelisinde 2021 jylǵy 31 jeltoqsanǵa deıin ótedi.

Joba aıasynda elimizdiń túrli aımaqtarynda ornalasqan oqý oryndary qamtyldy. Olardyń qatarynda:

1) E.Asqarov atyndaǵy jas aqyndar mektebi, Petropavlovsk qalasy;

2) «Otbasy úlgisindegi balalar aýyly» KMM, О́skemen qalasy;

3) K.Shakeev atyndaǵy aqyndar mektebi, Kókshetaý qalasy;

4) «Mádenı-saýyq ortalyǵy» KMQK, Qostanaı qalasy;

5) «SOS Balalar aýyly», Nur-Sultan qalasy;

6) «Er Edige» jyr mektebi, Aktóbe qalasy;

7) «Maqat» óner mektebi janyndaǵy balalar orkestri, Atyraý oblysy;

8) «Aınalaıyn» balalar úıiniń dombyrashylar ansambli, Taldyqorǵan qalasy;

9) N.Tilendıev atyndaǵy kóp balaly jáne az qamtylǵan balalarǵa arnalǵan mektep-ınternatynyń «Nur-Ata» folklorlyq-etnografııalyq mektep orkestri, Taraz qalasy;

10) «Oblystyq kórý qabileti buzylǵan balalarǵa arnalǵan arnaýly mektep-ınternaty» KMM, Batys Qazaqstan oblysy bar.

 

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar