Saıasat • 27 Qazan, 2021

Ekijaqty yntymaqtastyqtyń sony serpini

57 ret kórsetildi

Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi Majarstan Premer-mınıstriniń orynbasary – Qarjy mınıstri Mıhaı Vargamen kezdesti. Kelissózder barysynda memleketaralyq ózara is-qımyldyń turaqty jumys isteıtin ınstıtýty – Qazaqstan-Majarstan Strategııalyq keńesiniń besinshi otyrysy ótti.

«Majarstan – Ortalyq jáne Shyǵys Eýropa óńirindegi bir­den-bir senimdi strategııalyq árip­tesimiz, dostas ári tarıhy ta­myr­­las memleket. Búgingi tańda eki mem­leket arasynda sheshimin tap­paǵan eshqandaı másele joq. El­derimiz arasyndaǵy saıası dıa­log joǵary deńgeıde. Qazaq­stan men Majarstan bir-biriniń halyqaralyq arenadaǵy bastamalary men kúsh-jigerin qoldap keledi. Bul óz kezeginde ekijaqty jáne kópjaqty ózara is-qımyldy odan ári damytýǵa qolaıly jaǵdaı týdyrady», dedi M.Tileýberdi.

Syrtqy ister mınıstri Qazaq­stan men Majarstan arasyndaǵy saıası, saýda-ekonomıkalyq, ın­vestısııalyq jáne mádenı-gýmanıtarlyq salalardaǵy ózara is-qımyldyń búgingi ahýaly men odan ári damýynyń perspektıvalaryn talqylaǵanyn jetkizdi.

«Biz ózara tıimdi ynty­maq­tas­tyqty, eń aldymen ekonomıkalyq jáne ınvestısııalyq ózara is-qı­myldy tereńdetý, sondaı-aq ekijaqty saýdany ulǵaıtý ar­qyly ony odan ári nyǵaıtýdyń ma­ńyzdylyǵyn atap óttik. Aýyl sharýashylyǵy, energetıka, «jasyl ekonomıka», densaýlyq saq­taý, bilim jáne mádenıet sala­la­ryndaǵy yntymaqtastyqqa erekshe nazar aýdaryldy.

Majarstannan kelgen ókiletti bıznes-delegasııanyń jáne qazaq­standyq kásipkerlerdiń qaty­sýymen iri bıznes-forým ótti. Is-shara barysynda medısınalyq týrızm, aýyl sharýashylyǵy, «jasyl energetıka», kólik jáne logıstıka salalarynda birqatar mańyzdy ınvestısııalyq memorandýmǵa qol qoıyldy. Bizdiń elderimiz ko­ronavırýs pandemııasy kezinde bir-birine qoldaý kórsetip keledi», dedi M.Tileýberdi.

Bıylǵy maýsymnan bastap Qa­zaqstan men Majarstan vaksı­nalaý pasporttaryn ózara taný jó­ninde ýaǵdalastyqqa qol jet­kizdi. Osy oraıda Syrtqy ister mınıstri QazVac vaksına­syn Majarstan aýmaǵynda qoldaný múmkindigin qarastyrýdy usynǵanyna toqtaldy.

«Qyrkúıekte Nur-Sultan men Býdapesht arasyndaǵy turaqty áýe qatynasy qalpyna keltirildi. Reısterdi WizzAir majar áýe kompanııasy oryndaıdy. Jaqynda Úkimet sheshimimen reısterdiń jıiligi aptasyna eki reıske deıin arttyryldy. Osyǵan oraı, majar tarapyna ekinshi reısti Býdapesht – Almaty – Býdapesht baǵyty bo­ıynsha iske qosýdy usyndyq.

Búgingi tańda elimizdiń 800-den astam azamaty Majarstannyń aldyńǵy qatarly joǵary oqý oryndarynda bilim alady. «Stı­pendıým Hýngarıkým» majar bilim berý baǵdarlamasy sheńberinde majar tilinde oqýǵa qyzyǵýshylyq ta­nytqan stýdentter sany artyp ke­letinin atap ótý qajet», dedi M.Tileýberdi.

О́z kezeginde Mıhaı Var­ga pandemııa jaǵdaıy, ekono­mı­ka­lyq máseleler, mádenı ynty­maqtastyq, bilim berý salasyndaǵy yntymaqtastyq máseleleri tal­qy­­lanǵanyn atap ótti. Onyń aı­týyn­sha ekonomıkanyń qaıtadan qar­qyndy jumys isteı bas­taýy ekijaqty baılanystar­dy damy­týǵa múmkindik beredi. Son­daı-aq ol sapar aıasynda Qa­zaq­stanǵa majarstandyq kásipker­ler­diń úlken delegasııasy kelgenin aıtty.

«Bıznes-forýmǵa 50-den as­tam majarstandyq kásipker qaty­syp, yntymaqtastyq týraly keli­simderge qol qoıdy. Naqty usy­nystarǵa kelsek, Majarstan úki­meti energetıka, sý resýrstaryn basqarý, medısına salasyn­da yntymaqtastyq jasaýdy kóz­deıdi», dedi Mıhaı Varga.

Majarstannan kelgen ókildiń sózine qaraǵanda, atalǵan eldiń Qazaqstanǵa eksporty keıingi jyl­dary arta túsken. Sonyń ishin­de majar elinen keletin taýar­lardyń 70 paıyzǵa jýyǵyn dári-dármek, farmasevtıkalyq ónim­der quraıdy. Osy oraıda, Mıhaı Varga majar taýar­laryna qazaqstandyqtardyń qyzy­ǵý­shy­lyǵy bar ekenin jetkizdi. Son­daı-aq Qazaqstanǵa qyzyǵatyn Ma­jar­stan kásipkerleriniń sany artyp kele jatqanyna da toqtaldy.

«Qazaqstandaǵy majarstandyq bes kásiporynnyń tórteýi farma­sevtıka salasynda jumys isteıdi. Olar kóp kólemde dári-dár­mek eksportqa shyǵarady. Ynty­maq­tastyǵymyz jańa deńgeıge kóterildi. Demek klassıkalyq ta­ýar aınalymynan basqa, ınnovasııa sa­lasynda da, yntymaqtastyqta da, bilim berýde de qarym-qaty­na­symyz jaqsaryp kele jatyr», dedi Mıhaı Varga.

Ekijaqty kelissóz qory­tyndysy boıynsha Strategııalyq Ke­ńestiń 5-shi otyrysynyń hattamasy qabyldandy. Bul eki el arasyndaǵy ekijaqty jáne kópjaqty formattaǵy seriktestik qarym-qatynastardy tereńdetýge qosymsha serpin bermek.

Sońǵy jańalyqtar

Álimhanuly-Andrade: Toǵyz aı kútken tolǵaqtaı

Kásipqoı boks • Búgin, 20:35

Japon teńizine 8 tonna kómir tógildi

Oqıǵa • Búgin, 19:35

Ýsık aqsha usynsa, Djoshýa kúte turady

Kásipqoı boks • Búgin, 19:20

Jalǵas qarsylasyn jazalaýǵa daıyn

Jekpe-jek • Búgin, 18:30

Almatyda 5G jelisi iske qosyldy

Tehnologııa • Búgin, 18:05

Pavlovtyń kezekti jekpe-jegi Máskeýde ótedi

Kásipqoı boks • Búgin, 16:50

Jeńilisten keıingi jańa qadam

Kásipqoı boks • Búgin, 16:05

Uqsas jańalyqtar