Zertteýdi júrgizgen Pavlodar pedagogıkalyq ýnıversıtetiniń arheolog ǵalymdary qorymdardy Qımaq qaǵanatynyń ómir súrý kezeńine jatqyzyp otyr. Qımaq qaǵanaty – astanasy Ertis óńirinde ornalasqan kóshpeli ımperııa.
Arheologııalyq ekspedısııanyń jetekshisi, Pavlodar ýnıversıtetiniń Margulan Centre dırektory Tımýr Smaǵulov: «Baıdala aýyly mańyndaǵy Qımaq qorǵandary úlken ǵylymı qundylyqqa ıe. Topyraqtyń hımııalyq quramyna baılanysty aǵash buıymdary, jibekten tigilgen kıimder, sondaı-aq bylǵary men metaldan jasalǵan túrli zattar saqtalǵan», deıdi.
Aıtpaqshy, buǵan deıin qazba jumystary barysynda «Qımaq kúımesi» tabylǵan bolatyn. Ǵalymdardyń aıtýynsha, «Qımaq kúımesi» Eýrazııa aýmaǵyndaǵy ortaǵasyrlyq kóshpelilerdiń jyljymaly turǵyn úıiniń jaqsy saqtalǵan jalǵyz úlgisi sanalady.
Pavlodar ýnıversıtetiniń ǵylymı qyzmetkerleri skıf-saq dáýiriniń jerleý oryndaryn da zerttep jatyr. Mysaly, qorǵandardyń birinen b.z.d. 1 myńjyldyqtyń ekinshi jartysyna jatatyn qysh ydystar men eresek adamnyń súıekteri tabyldy.
Arheologııalyq jumystarǵa ǵalymdarmen birge Pavlodar pedagogıkalyq ýnıversıteti men Toraıǵyrov ýnıversıtetiniń stýdentteri de atsalysyp jatqanyn aıta keteıik.
