170 memlekettegi áıelderdiń jaǵdaıy baǵalanatyn jahandyq reıtıngte Qyrǵyzstan Respýblıkasy 97-shi orynda boldy. Tizimniń tómengi jaǵynda Aýǵanstan, Sırııa, Iemen, Pákistan, Irak jáne basqalar bar. Fınlıandııa, Norvegııa, Danııa jáne Lıýksembýrg áıelder úshin eń qaýipsiz el boldy.
WPS ındeksin Djordjtaýn áıelder, beıbitshilik jáne qaýipsizdik ınstıtýty jáne PRIO genderlik, beıbitshilik jáne qaýipsizdik ortalyǵy Norvegııa Syrtqy ister mınıstrliginiń qoldaýymen jarııalaıdy.
2021 jyldyń basynan bastap Qyrǵyzstanda turmystyq zorlyq-zombylyq saldarynan áıelder óliminiń birneshe jaǵdaıy tirkeldi. 2020 jyly 21 áıel atalǵan jaǵdaılardyń qurbany boldy.
Qyrǵyzstan Bas prokýratýrasynyń málimetinshe, 2019 jyly otbasylyq zorlyq-zombylyqtyń 6 myń 145 faktisi tirkelgen, 90% jaǵdaıda áıelder qurban bolady. 2020 jyly karantın kezinde koronavırýstyq ınfeksııanyń taralýyna baılanysty otbasylyq zorlyq-zombylyq faktileri 62%-ǵa artty.
