Bul derekter oblystaǵy sanıtarlyq-epıdemııalyq jaǵdaı baıandalǵan apparattyq jınalysta aıtyldy. Koronavırýs aýrýshańdyǵy boıynsha «jasyl» aımaqta ornalasqan óńirde kúndelikti tirkelip otyrǵan naýqastar kórsetkishi de respýblıkada tómen. Degenmen oblys ákimi О́mirzaq Shókeev barlyq karantındik talaptardy qatań saqtap, bosańsýǵa bolmaıtynyn aıtty.
«Bosańsýǵa bolmaıdy. Qazir ózderińiz bilesizder, Reseıde bul aýrý ócip jatyr. Shekaralas aýmaqtar arqyly bizge de jetetini túsinikti jaǵdaı. Osyǵan deıingi jaǵdaılar qaıtalanbas úshin daıyndalý kerek. Vırýsqa qarsy kúres sharalary qatań saqtalýy tıis. Sosyn mektepterde óte qatań qadaǵalaý ornatý kerek», dedi oblys ákimi.
Koronavırýsqa qarsy vaksınalaý qarqyny boıynsha oblys elimizde aldyńǵy qatarda. Aqpan aıynan bastap vaksınanyń 974 435 dozasy jetkizildi. Jalpy, 150 egý pýnktinde I komponentpen – 972 382 adam (1-kezeń boıynsha vaksınalaý qamtý paıyzy – 92,0%), II komponentpen – 873 912 adam (2-kezeń boıynsha– 82,5%) vaksına alǵan.
Al bıylǵy III toqsannyń qorytyndysy boıynsha ótken keńeıtilgen alqa otyrysynda oblystyq qoǵamdyq densaýlyq basqarmasynyń basshysy Marat Pashımov epıdemııalyq jaǵdaı turaqty ekenin málim etti. О́ńirde ana ólimi 28,4%, al sábı ólimi 7,9%-dy quraıdy. Osy oraıda ana men bala saýlyǵyn saqtap, halyqtyń densaýlyǵyn jaqsartýǵa baǵyttalǵan is-sharalar turaqty túrde jalǵasa bermek. Mysaly, jýyrda Túrkistanda Abý-Dabıdiń taq murageri sheıh Muhammed ben Zaıd Ál Nahaıan atyndaǵy 80 oryndyq perzenthananyń qurylysy bastaldy. Birikken Arab Ámirlikteri Premer-Mınıstriniń orynbasary, Prezıdent isteri jónindegi mınıstri sheıh Mansýr ben Zaıd Ál Nahaıan men Túrkistan oblysynyń ákimi О́mirzaq Shókeev jańa «Ana men bala ortalyǵynyń» irgetasyna kapsýla saldy.
«Biz densaýlyq saqtaý salasynyń mańyzdy nysandarynyń biri – Sheıh Mansýr ben Zaıd Ál Nahaıannyń Túrkistan turǵyndary úshin qaıyrymdylyq kómegi bolyp tabylatyn qurylys alańyna kapsýla salamyz. Jobany Túrkistan oblysy ákimdigi men Abý-Dabı damý qory birlesip júzege asyryp jatyr. Bastama Birikken Arab Ámirlikteri men Qazaqstan Respýblıkasy arasyndaǵy tyǵyz tarıhı baılanystar men strategııalyq áriptestikti nyǵaıtýdyń sımvoly, sondaı-aq Qazaqstan halqynyń densaýlyǵyn nyǵaıtýǵa jáne Túrkistan qalasynyń ınfraqurylymyn damytýǵa qosqan úlesi bolyp tabylady», delingen kapsýladaǵy jazbada.
Eýropalyq úlgide salynatyn zamanaýı perzenthananyń qurylysy keler jyly aıaqtalady dep josparlanǵan.
Sondaı-aq keńeıtilgen otyrysta basqarma basshysy oblys boıynsha týberkýlezdiń taralýy 100 myń turǵynǵa 25,8% quraıtynyn, balalardyń arasynda týberkýlez 2,1 paıyzǵa tómendegenin aıtyp ótti. Qalalyq jáne aýdandyq deńgeıdegi medısınalyq uıymdar 82% ınternetke qoljetimdi, sıfrlandyrýmen tolyq qamtamasyz etilgen.
Túrkistan oblysy
