Aımaqtar • 28 Qazan, 2021

Jas sýretshiler jıyny

46 ret kórsetildi

El Táýelsizdiginiń 30 jyldyq merekesine oraı Túrkistan oblysy, Tólebı aýdanynda «Tólebı – Uly dala mekenim» sýretshiler pleneri men «Bir ólke – bir sýret» atty jas sýretshiler sımpozıýmy ótti. Alty kúnge sozylǵan is-sharaǵa kórshiles elderden jáne Almaty, Nur-Sultan qalalarynan halyqaralyq dárejedegi sýretshiler qatysty.

Urpaqtar sabaqtastyǵyn jańǵyrtý, egemendi elimizdiń bolashaǵy – jas urpaqty ult­tyq dúnıetanym negizinde tár­bıeleý, jas sýretshilerge qoldaý kórsetý, olardyń shy­­ǵarmashylyǵyn shyńdaý maqsatyndaǵy is-shara jas­tarǵa erekshe shabyt syılady.

Sımpozıýmnyń qorytyn­dysy retinde Tólebı aýdandyq mádenıet úıi aldynda jas sýretshilerdiń týyndylary men qylqalam sheberleriniń jańa shyǵarmalary qoıylǵan kórme uıymdastyryldy. Ob­lystyq mádenıet bas­qar­masy basshysynyń orynbasary Asylhan Temirhanuly bul is-sharanyń sýretshiler qaýymyna serpin bergenin aıtady.

Al Tólebı aýdanynyń ákimi Tólegen Telǵaraev ple-n­erdiń sýretshiler úshin ǵana emes, jalpy turǵyndar úshin ma­ńyzdy ekenin jetkizdi. «Sýret óneriniń qyr-syryn meńgergen mamandar Tólebı je­rinde bas qosyp, ózara pi­kir almasyp, shabytyna shabyt qosty. Janry jáne stıli árqıly sýretshiler bas­qosýynyń Tólebı tórinde ótip jatqany biz úshin erekshe qýanysh ári maqtanysh. Alty kúnge sozylǵan «Bir ólke – bir sýret!» atty oblystyq jas sýretshiler sımpozıýmy jas ta­lanttar úshin pikir almasý alańy ǵana emes, tájirıbeli mamandardan úırený, olardyń aǵalyq aqyl keńesterine kóńil bólý kezeńi boldy», deıdi aýdan ákimi.

Plenerge qatysqandarǵa aýdan ákimi men aýdandyq máslıhattyń alǵys haty men Qurmet gramotalary, baǵaly syılyqtar, sondaı-aq sımpozıýmǵa qatysqan 16 jas sýretshige 50 myń teńge kóleminde qarjylaı qoldaý kórsetilip, sertıfıkattar tabys etildi.

 

Túrkistan oblysy

 

Sońǵy jańalyqtar

Hattonnyń uly Attılany atynan túsirdi

Kásipqoı boks • Búgin, 10:35

Jekpe-jeksiz ótken alǵashqy jyl

Kásipqoı boks • Búgin, 09:08

«Dınamodan» jeńildi

Hokkeı • Búgin, 07:34

Kreatıvti kitap dúkeni

Aımaqtar • Búgin, 07:33

Janbota jarap tur

Sport • Búgin, 07:27

Aqyn tutynǵan kese

Tarıh • Búgin, 07:24

Jekpe-jek keıinge shegerildi

Boks • Búgin, 07:22

Bes belestiń bıigin baǵyndyrǵan...

Qoǵam • Búgin, 00:44

Uly Jambyl murasy ulyqtaldy

Rýhanııat • Búgin, 00:33

Uqsas jańalyqtar