Rýhanııat • 28 Qazan, 2021

Túrkistanda Halyqaralyq anımasııalyq fılmder kınofestıvali ótedi

51 ret kórsetildi

Dástúrli Halyqaralyq ÁMEN anımasııalyq fılmder kınofestıvali (ÁMEN International Animation film festival) 29-30 qazan kúnderi Túrkistan qalasynda ótedi, dep jazady Egemen.kz QR Aqparat jáne qoǵamdyq damý mınıstrligine silteme jasap.

Bıyl úshinshi ret uıymdastyrylatyn halyqaralyq sharaǵa otandyq jáne baýyrlas túrki, ortaazııalyq elderdiń, atap aıtqanda Túrkııa, Ázerbaıjan, Qyrǵyzstan, О́zbekstan, Tájikstan, sondaı-aq Reseıdegi Bashqortstan men Tatarstannyń bilikti mýltıplıkatorlary qatysady.
Baıqaýǵa anımasııa salasynda belgili mamandardan qurylǵan halyqaralyq qazylar alqasy tórelik etedi. Jeńimpazdar birneshe nomınasııa boıynsha marapattalady.
Budan bólek, festıval aıasynda sheteldik ozyq mýltıplıkatorlardyń master-klastary men trenıngteri josparlanǵan. Qatysýshylar álemge tanymal 4 mamannyń dárisin tyńdap, kásibı sheberligin shyńdaýǵa múmkindik alady.
Sondaı-aq, festıval qonaqtary Qazaqstannyń úzdik anımasııalyq kınostýdııalary kórmesin tamashalaıdy. Onda kınostýdııalar anımasııa jasaýdyń qyr-syry men erekshelikterin kórsetip, jas mamandar úshin tájirıbe almasý alańyn uıymdastyrady.
Baǵdarlama boıynsha, is-sharanyń ekinshi kúni túrki elderindegi kıno óneriniń damý baǵyttaryna, búgini men erteńine arnalǵan dóńgelek ústel ótedi. Sheteldik jáne otandyq anımasııa salasynyń mamandary ózara baılanys ornatyp qana qoımaı, ózekti taqyryptarda pikir almasyp, túrkitildes elderdiń anımasııa salasyndaǵy yntymaqtastyǵyna jańa serpin bermek.
Qazaqstan Táýelsizdiginiń 30 jyldyǵyna oraılastyrylǵan festıvaldiń bıyl Túrki dúnıesiniń rýhanı astanasy – Túrkistan qalasynda ótýi de aıryqsha mánge ıe. Uıymdastyrýshylar shahar turǵyndary men qonaqtaryna mereıtoı qarsańynda aıryqsha syı jasamaq. Túrkistandyqtar eki kún qatarynan qaladaǵy eń úzdik kınozaldardan elimizdiń jáne túrki elderiniń eń úzdik anımasııalyq fılmderin tegin tamashalaıdy.
Dástúrli festıvaldi OzgeEpic zamanaýı óner keńistigi men Qazaqstan anımasııalyq kınostýdııalar qaýymdastyǵy Aqparat jáne qoǵamdyq damý mınıstrliginiń qoldaýymen uıymdastyrady.
Sońǵy jańalyqtar

Hattonnyń uly Attılany atynan túsirdi

Kásipqoı boks • Búgin, 10:35

Jekpe-jeksiz ótken alǵashqy jyl

Kásipqoı boks • Búgin, 09:08

«Dınamodan» jeńildi

Hokkeı • Búgin, 07:34

Kreatıvti kitap dúkeni

Aımaqtar • Búgin, 07:33

Janbota jarap tur

Sport • Búgin, 07:27

Aqyn tutynǵan kese

Tarıh • Búgin, 07:24

Jekpe-jek keıinge shegerildi

Boks • Búgin, 07:22

Bes belestiń bıigin baǵyndyrǵan...

Qoǵam • Búgin, 00:44

Uly Jambyl murasy ulyqtaldy

Rýhanııat • Búgin, 00:33

Uqsas jańalyqtar