27-shi qazanda QazBSQA-nyń qurmetti prezıdenti, QAÝ negizin qalaýshy, professor Ámirlan Qusaıynov qaıtys boldy.
«QazBSQA men QAÝ ujymy kórnekti basshy, ǵalym, progressıvti jańashyl pedagog Ámirlan Aıdarbekuly Qusaıynovtyń mezgilsiz qaıtys bolýyna baılanysty týǵan-týystaryna, jaqyndaryna, áriptesterine kóńil aıtady», delingen QazBSQA baspasóz qyzmetiniń habarlamasynda.
29 qazan Halyqaralyq bilim berý korporasııasynda aza tutý kúni dep jarııalandy.
Ámirlan Qusaıynov 1957 jyly 25 qyrkúıekte Almaty qalasynda dúnıege kelgen.
1979 jyly Máskeýlik MISI PGS fakýltetin ınjener-qurylysshy mamandyǵy boıynsha úzdik bitirdi.
Eńbek jolyn 1983 jyly Almaty sáýlet-qurylys ınstıtýtynda bastap, «Qurylys mehanıkasy» kafedrasynyń aǵa ǵylymı qyzmetkeri, assıstenti, dosenti bolyp jumys istedi. Sonymen qatar ol «Qurylys mehanıkasy» kafedrasynyń meńgerýshisi, QazBSQA ǵylymı-ádistemelik jumys jónindegi prorektory bolyp jumys istedi. Qazaq memlekettik sáýlet-qurylys akademııasynyń rektory boldy. 2002 jyldan bastap QazBSQA prezıdenti boldy. Al 2020 jyly QazBSQA-nyń qurmetti prezıdenti atandy.
