Prezıdent fransýz kásipkerlerine iltıpat bildire otyryp, Nıkolıa Terrazdy «TotalEnergies» barlaý jáne óndirý» kompanııasynyń basshysy qyzmetine jańadan taǵaıyndalýymen quttyqtady.
Kezdesý barysynda «TotalEnergies» kompanııasynyń qatysýymen jańartylatyn qýat kózderi salasyndaǵy jobalardy júzege asyrý máseleleri talqylandy. Qasym-Jomart Toqaev Qyzylorda jáne Jambyl oblystaryndaǵy eki kún elektr stansııasy qurylysynyń aıaqtalyp, paıdalanýǵa berilgenin atap ótti.
Arno Breııak Memleket basshysyna qýaty 1 GVt bolatyn jel energetıkasy kesheniniń qurylysy týraly memorandýmǵa qol qoıylǵany týraly, sondaı-aq konserndi Qazaqstanda jáne álemde odan ári damytýdyń perspektıvalary jóninde aıtyp berdi.
Sonymen qatar kezdesýde Qashaǵan jáne Dunǵa ken oryndaryndaǵy munaı óndirý kólemin arttyrý máselesi kóterildi.
