Qazaqstandyq bankterdiń bankrotqa ushyraıtyndyǵy týraly jalǵan aqparat taratqan birneshe adam anyqtaldy. Bul týraly «Qazaqstan» telearnasy habarlady.
Búgin, Bas prokýratýranyń resmı ókili Nurdáýlet Súıindikov osyndaı málimdeme jasady.«Bankterdiń qarjylyq ahýaly jónindegi aqparattarǵa qatysy bar barlyq tulǵalardy anyqtaý boıynsha keshendi izdestirý sharalary júrgizilýde. Birqatar tulǵalar anyqtaldy jáne olarǵa qatysty tekserý sharalary bastaldy», - dedi ol sóz oraıynda. Jalpy, Bas prokýratýranyń málimdemesine júginsek, sońǵy kúnderi ártúrli kommýnıkasııa quraldary arqyly (áleýmettik jelilerdi qosa alǵanda ınternet-habarlamalar, sms) «Kaspi bank», «Bank SentrKredıt» jáne «Alıans Bank» bankrot bolý múmkindigi týraly jalǵan aqparat taralǵan.Osy habarlamalar atalǵan bankterdiń salymshylaryn dúrliktirip, eldegi qarjy ınstıtýttaryna degen turǵyndardyń senimine selkeý túsirdi. Al shyndyǵynda,taratylyp jatqan málimetter kórineý jalǵan jáne bank ahýalyn turaqsyzdandyrýǵa baǵyttalǵan.
Qazirgi ýaqytta quqyq qorǵaý organdary tıisti aryzdardyń negizinde bankterdiń qarjylyq ahýaly jónindegi jalǵan aqparatqa qatysy bar barlyq tulǵalardy anyqtaý jónindegi jedel-izdestirý sharalaryn keshendi túrde júrgizýde. Ol boıynsha qylmystyq isti qozǵaý máselesi de qarastyrylýda.
Derekkóz: «Qazaqstan» telearnasy.
Foto: «Qazaqstan» telearnasy.
