Bıyl 27 qazanynan bastap QR Premer-Mınıstri Asqar Mamınniń tapsyrmasy boıynsha ortalyq memlekettik organdardyń basshylary aýyldyq eldi mekenderdegi ınfraqurylymdy jańǵyrtý barysyn baqylaý maqsatynda óńirlerge ınspeksııalyq saparlardy bastady.
Qazaqstanda aýyl halqynyń 89%-y turatyn 3561 perspektıvaly aýyl (1173 tirek jáne 2388 seriktes) aıqyndaldy. 2019-2021 jyldary «Aýyl – El besigi» jobasy, sondaı-aq Jumyspen qamtý jol kartasy, «Nurly jol» jáne «Nurly jer» baǵdarlamalary boıynsha jáne jeke ınvestısııalar esebinen aýyldyq aýmaqtardy damytýǵa 1,2 trln teńge baǵyttaldy. TKSh, kólik, bilim berý, densaýlyq saqtaý, mádenıet jáne sport salalarynda 12 myńnan astam joba iske asyryldy, 6,5 myń joba iske asyrylý satysynda.
Aldaǵy tórt jylda «Aýyl – El besigi» jobasyn qarjylandyrý kólemi 800 mlrd teńgege deıin ulǵaıdy, al barlyq qarjy kózderin eskere otyryp, aýyldardy jańǵyrtýǵa 1,3 trln teńge josparlanǵan.
2025 jylǵa qaraı aýyldyq jerler 100% sýmen jabdyqtaý qyzmetterimen qamtamasyz etiledi, 10 myń shaqyrym kentishilik joldardyń jaı-kúıi jaqsartyldy, 12 myń shaqyrym ınjenerlik jeli, birneshe myń áleýmettik ınfraqurylym obektisi salyndy jáne jóndeldi, 5 myń aýyl mektebi jańǵyrtyldy.
AО́K salasynda 4,5 trln teńge somasyna 1 myńǵa jýyq joba iske asyrylady. Aýyl sharýashylyǵyndaǵy eńbek ónimdiligi 2,5 ese artady, qaıta óńdelgen ónim úlesin 70%-ǵa deıin jetkize otyryp, AО́K ónimderiniń eksporty 2 ese artady. 1 mln aýyl turǵynynyń tabysy artady, aýyl sharýashylyǵynda 500 myń jumys orny qurylady.
Bıyl 29 qazanda QR Premer-Mınıstri Asqar Mamın Aqmola oblysyna jumys sapary barysynda «Aýyl – El besigi» jobasynyń iske asyrylýyn tekserdi.
Úkimet basshysy Astrahan aýdanynyń Astrahanka aýylyndaǵy jáne Atbasar aýdanynyń Bastaý aýylyndaǵy densaýlyq saqtaý, bilim berý, mádenıet jáne sport, tirshilikti qamtamasyz etý jáne AО́K nysandaryn aralady.
Aqmola oblysynda 298 perspektıvaly aýyldyq eldi meken anyqtaldy. 2019-2021 jyldary óńirdiń aýyldyq aýmaqtarynyń ınfraqurylymyn jańǵyrtýǵa 70 mlrd teńge bólindi. «Aýyl – El besigi» jobasy aıasynda áleýmettik ınfraqurylym nysandaryn, TKSh, kentishilik joldardy, sý qubyry jelilerin jóndeý jáne salý boıynsha 88 joba iske asyryldy. 1140 jumys orny quryldy, onyń ishinde 200-i turaqty jumys orny.
Bıyl barlyq memlekettik baǵdarlama boıynsha Aqmola oblysynyń aýyldyq eldi mekenderin damytý boıynsha jalpy somasy 22,3 mlrd teńgege 203 joba iske asyrylyp jatyr. 2022-2025 jyldarǵa óńirdiń aýyldyq aımaqtaryn damytýǵa shamamen 120 mlrd teńge bólý josparlanǵan.
A. Mamın eńbek ardagerlerimen jáne óńirdiń qurmetti turǵyndarymen kezdesti. Úkimet basshysy aýyldyq eldi mekenderdiń damýyna jańa serpin beretin «Aýyl – El besigi» jobasyn ýaqtyly jáne sapaly iske asyrýdyń mańyzdylyǵyn atap ótti.
«Memleket basshysy Qasym-Jomart Toqaev «Aýyl – El besigi» jobasyn iske asyrýǵa jáne aýyldyq eldi mekenderdegi turmys sapasyn arttyrýǵa kóp kóńil bóledi. Úkimet músheleri «Aýyl – El besigi» jobasynyń jáne aýyl aımaqtaryn damytýdyń basqa da baǵdarlamalarynyń oryndalýyn baqylaý boıynsha elimizdiń barlyq óńirine ınspeksııalyq saparlardy bastady. Aýyldyq jerlerde ınfraqurylymdy jańǵyrtý boıynsha jobalardy iske asyrý qarqyny erekshe baqylaýda», dedi A. Mamın.
