Bıylǵy jyly qala halqyn sapaly sýmen qamtamasyz etý maqasatynda ınfraqurylymdy jetildirýge 16 mlrd. teńge baǵyttalǵan. Bul qarajat sapaly sýmen qamtý úshin 3 magıstraldyq jeliniń qurylysyna, aýyz sýdy tasymaldaýǵa baılanysty 7 eldi mekendi sýmen jabdyqtaý jelilerimen qamtamasyz etýge jáne keste boıynsha aýyz sý beriletin 2 eldi mekende sýmen jabdyqtaýdyń oramishilik jelileriniń qurylysyna salynǵan.
Qabyldanǵan sharalardyń nátıjesinde jyl sońyna deıin 25 myń qala turǵyny sapaly aýyz sýmen qamtamasyz etiletin bolady. Qalany sýmen jabdyqtaý jelilerimen qamtý kórsetkishi qazirgi 95,6% - dan 98% - ǵa deıin artady.
Qala basshysy qurylys alańynda memlekettik organdardyń jaýapty basshylarymen keńes ótkizdi. Memleket basshysynyń Qazaqstan halqyna jyl saıynǵy Joldaýynda el turǵyndaryn sapaly aýyz sýmen qamtamasyz etý boıynsha naqty mindet qoıylǵany atap ótildi. Memleket basshysynyń atalmysh tapsyrmasyna sáıkes, Shymkentte 2023 jylǵa deıin qala turǵyndaryn sapaly aýyz sýmen qamtamasyz etý kórsetkishin 100% - ǵa deıin jetkizý josparlanýda. Qala ákimi alǵa qoıylǵan mindetterdiń mańyzdylyǵyn atap ótip, oryndalatyn jumystardyń sapasyn erekshe baqylaýda ustaýdy, nysandar qurylysynyń belgilengen merzimde aıaqtalýyn qadaǵalaýdy tapsyrdy.
