Temirtaý qalasynyń 37 jastaǵy turǵyny aǵymdaǵy jyldyń 4 shildesinen bastap izdestirýde bolǵan. Onyń anasy polısııaǵa joǵalǵany týraly habarlaǵan da bolatyn.
«Osy jyldyń 10 shildesinde Temirtaý qalasynyń Shyǵys polısııa bólimine oblystyń 61 jastaǵy turǵynynyń ótinishi kelip túsken. О́z málimdemesinde áıel osy jyldyń 4 shildesinde úıden ketken 37 jastaǵy uly oralmaǵanyn jetkizgen. О́tinish tirkelip, er adamnyń turǵan jerin anyqtaý boıynsha jedel-izdestirý sharalary bastalǵan. 21 qazanda Temirtaý mańyndaǵy daladan máıit tabyldy. Ony týystary tanydy. Ol jazdan beri izdestirilgen azamat bolyp shyqty», deıdi Qaraǵandy oblysy polısııa departamentiniń baspasóz qyzmeti.
37 jasar azamattyń qandaı jaǵdaıda kóz jumaǵany ázirge naqtylanǵan joq.
