Is-shara barysynda táýekel toptarmen jumys isteý erekshelikteri, ÚEU memlekettik qarjylandyrý tetikteri, qoǵamdyq kelisimdi qamtamasyz etý, sondaı-aq halyqpen kommýnıkasııa suraqtary áńgimege arqaý boldy.
Semınardyń spıkerleri QR AQDM Azamattyq qoǵam isteri komıtetiniń, Azamattyq bastamalardy qoldaý ortalyǵynyń, Qoldanbaly etnosaıası zertteýler ınstıtýtynyń, Red Point marketıngtik kommýnıkasııalar qyzmetiniń kásibı sarapshylary men trenerleri Merýert Júnúbek, Jasulan Bısembıev, Toǵjan Zeıdenova, Dýlat О́teǵalı, Ásel Qojaqova bolǵanyn aıta ketken jón.
Qatysýshylar memlekettik organdar qyzmetkerleriniń praktıkalyq daǵdylaryn odan ári jetildirýdegi semınardyń ózektiligin atap ótti.
«Semınarda daǵdarys jaǵdaıynda ózińdi qalaı ustaý, tıimdi sheshimder qabyldaý, jaǵdaıdy talqylaý týraly paıdaly, qajetti oılar aıtyldy», - dep atap ótti semınarǵa qatysýshylardyń biri, Aqmola oblysy Ishki saıasat basqarmasynyń saıası jumys jáne qoǵamdyq damý bóliminiń basshysy Ásem Ázirbaeva.
Onlaın-semınardy QR Aqparat jáne qoǵamdyq damý mınıstrliginiń Azamattyq qoǵam isteri komıteti uıymdastyrdy.
