«Sosnovyı borǵa» kelseńiz em de alasyz, jeńildikti de paıdalanasyz

Munda naýryz aıynyń aıaǵyna deıin aksııa júredi Teńgeniń aıyrbas baǵamy ózger­geli beri azyq-túlikke, kúndelikti ómirge qajetti zattarǵa baǵa kóte­riledi degen áńgimeler dúrligip baryp basylǵandaı. Adamdardyń densaýlyǵy, ol úshin jasalatyn profılaktıkalyq jumystar, sa­­­natorlyq demalystyń mańy­zy neden kem? Densaýlyq bolsa qandaı júkti de nardaı kóte­rip, Syrdyń sýy sıraǵynan kel­meı­tinin qazir adamdar jaqsy túsi­nedi. Memlekettiń kúshti bolýy da densaýlyǵy myqty urpaq ósi­rýge baılanysty. Myńjyldyq qa­ra­ǵaılar arasynda ornalasqan «Sos­novyı bor» sanatorııi naýryz aıy­nyń aıaǵyna deıin sozylatyn aksııasyn osy turǵydan ótkizip otyr. – Kóktem men qys mezgilderiniń aýysatyn tusyn atalarymyz «jýannyń jińishkerip, jińish­keniń úziletin kezi» degen ǵoı. Bul kezde adam aǵzasy qystyń sýyǵynan sharshaıdy, boıyndaǵy dárýmender azaıady. Demek, ty­ny­ǵýǵa, profılaktıkalyq em-sharalar qabyldap qoıý kimge bolsa da artyq etpeıdi. Naýryzdan keıin-aq «kóktemniń ár kúni – jylǵa azyq» degen qarbalas shaq keledi. Demalyp, tyńaıyp alǵan kisi jumysqa da qulshynyp kiriseri anyq qoı. Biz osy jaǵyn eskerip, aksııa jasaýdy uıǵardyq, – deıdi «Sosnovyı bor» sanatorııiniń dırektory Dıdar Áýbákirov. – Teńge baǵamy qalaı ózgerse de bizdiń baǵamyz qymbattamaıdy, qaıta aksııada jeńildiktermen beremiz. Naýryz aıynda «Sosnovyı bor» sanatorııi ornalasqan alyp qaraǵaılar arasyndaǵy aq kórpe qar demalýshylardyń shańǵy jolyna aınalady. Al qaraǵaıdyń aýasy júrek-qan tamyrlary aýrýynan zardap shegetinderge, júı­ke júıesi úshin myń da bir em. Kúnine bir mezgil qaraǵaı arasyn jaıaý aralaýdyń ózi kisini óte sergitetinin demalýshylardyń barlyǵy da moıyndap ketedi. «Sosnovyı bordyń» sýynyń shıpasy óte mol ekenin árqashan aıtyp júrmiz. Shıpasy mıneraldy sýdyń quramyna tikeleı baılanys­ty. Mamandar bul sýdyń quramy ataqty «Pıatıgorsk», «Morshın», «Karlovy Vary», «Trýskaves» jáne «Essentýkı-17» jáne ózi­mizdiń «Saryaǵash» kýrort­tary­nyń shıpaly sýyna uqsas ekenin ál­deqashan dáleldegen. – Mıneraldy sýdyń asqazan-ishek aýrýlaryna jáne aǵzadaǵy zat almasý úderisi buzylǵanda emdik qasıeti kúshti. Asqazan aýyrdy degenshe búkil aǵza zardap shegetinin qazir kózi qaraqty kisiler jaqsy biledi. Asqazandy osy mezgilde emdep alǵan óte tıimdi. Sonymen qatar, gınekologııalyq, ýrologııalyq jáne teri aýrýlarynan zardap shekkenderdiń de osy sýmen emdelgeni óte durys, – deıdi sanatorııdiń bas dárigeri Aıgúl Myrzabekova. Sanatorıı dárigerleri ju­­­­­­mysy aýyr nemese den­­saý­lyqqa zııandy oryndarda eńbek etetinder úshin de kóktemde sanatorlyq em alýdyń paıdasy zor ekendigin aıtady. Jal­py, aýrýdyń aldyn alý úshin jáne tynyǵyp, densaýlyǵyn nyǵaı­tamyn degenge «Sosnovyı bordyń» bereri kóp. Sanatorııde kelýshilerge 70-ten asa em túri usynylady. Demalýshylar aýrýy­na qaraı dárigerdiń baqy­laýy­men keminde 12-13 túrli em qabyldaıdy. «Sosnovyı bor» sanatorııine jol­­­­­dama alý úshin 8 (714-45)-3-33-09, 3-33-10, 49-010 jáne 8 (7142)-39-06-05 telefondaryna al­dyn ala habarlasýǵa bolady. Son­daı-aq, sanatorııdiń Qostanaı qala­synda  ókildigi bar ekendigin este­rińizge salamyz.Onyń telefondary: 8 (7142) -54-30-04, 39-09-09. Sanatorııdiń anyqtama telefonyna táýlik boıy habarlasýǵa bolady: 8 (714-45)-3-33-05, 8 (7142) -39-02-86. Internet: http://sosnovyibor.com, e-mail: sosnov-bor@mail.ru Názıra JÁRIMBETOVA, «Egemen Qazaqstan». QOSTANAI.